香港人素質高嗎？大陸人素質高嗎？英國教育比我國教育更了不起？

以我既觀點去睇, 我覺得, 唔可以一碌竹打沉成條船, 唔可以話個個香港人素質都好高, 又或是個個大陸人既素質都係唔好既. 咁樣樣, 都有一D 過份,

>> 就好似剛剛有位教授講, 話"香港人係狗" 其實, 我覺得佢既素質都唔算話好高, 因為一般有學識, 有見地既人, 特別係教授, 佢講既野, 做既野, 都可以影響到佢既學生, 什至係社會. 而佢既用詞亦不唔係太好, 更加不明所以既係, 佢會扯到去英國殖民地時代 "「（港人）給人家英國殖民者當走狗當慣了，到現在都是狗，你們不是人」 " 咁樣樣講, 就有一D 過份, 香港人係講禮貌, 都有試下去接受中國人, 可惜既係, 佢地只會覺得佢地做既野係理所當然. 當然, 亦有中國人點樣樣都要黎香港生仔, 衝關又好, 點都好, 佢地都覺得係香港生仔, 係好好, 點都要黎, 完全冇理過香港人媽媽都係走廊度訓, 亦會走拖, 真係枉納稅人俾咁多錢呢, 所以只可以話透過呢一d 事情, 可以見到有一d 中國人, 佢地係有一d 自私, 同埋唔尊重別人. mtr 事件, 只可以話, 果一位中國人, 佢唔應該俾佢既仔仔係度食野, 因為列車入面有告示, 亦有廣播. 所以, 只可以說, 佢地唔尊重地方既文化, 好似香港人去到日本搭JR, 你都會好自律尊重人地文化, 唔係車入面講電話一樣. 所以呢個就係文化既差異.

>> 但係唔係個個中國人都係素質差既, 我識既中國人朋友, 都唔算話好唔尊重人, 佢地都會好nice, 都會想同香港人玩, 學下廣東話, 唔會話因為你係香港人, 我係中國人, 就水火不容咁. 所以, 就好似我之前講既"唔可以一碌竹打沉成條船"了.

>> 而香港人唔可以話個個素質都好好, 始終都會好似一個normal distribution 咁既 (你有學過stat 你就會知道), 好似d&g 事件咁, 我同意人去示威, 但就覺得點解要係人地門口貼野呢? 仲要係一d 唔吉利既野, 咁樣樣, 我就覺得有一d 過火了. 同一件事, 唔同既處理手法, 可能都可以解決到個問題, 但係俾人既感覺可能會完全唔一樣. 當然, 亦有d 素質好既香港人啦.

>> 而英國既教育, 唔係話比香港既好好多好多, 只係, 而家好多學生, 對334, 都好唔certain, 唔知要考咩, LS 好難, 又怕入唔到好大學, 所以先出國讀書, 唔係個個都去英國既, 有一d 會去us, 有一d 會去aus 等等. 而當然亦有人覺得英國既考試易好多 (當然我唔認同), 所以先會選擇過去, 有時亦唔係因為英國教育好, 所以先想出去, 可能有其他原因, 好似放眼世界, 學好英文等等(始終係香港都係以廣東話為主, 點似得英國可以成日講英文呢?)

1質素要睇教育,社會法治...只係話個社會進步,質素高嘅人會更多,但呢個唔係教授講就準,要長時期去生活,蒐集證據研究,先係正經嘅學術研究,否則就係個人意見,唔使刻意認同/反駁.2我唔認同孔教授話人嘅本質唔好,先需要法治,反而係大家內心確信法治公平,程序公義,先可以自律,令自己變成更好嘅人,社會變成更仁愛嘅社會.
3英國都好重視階級,唔同階級做唔同嘅嘢,既有好傳統嘅思想,文學,都有福利制度....但我覺得孔教授係知道資料,唔了解實情,就畀意見,所以佢嘅意見唔使理,只係博出位嘅工具.好似佢話香港200萬人都係住環境好差嘅地方,就會令人誤會佢以為香港得200萬居民...佢都有話新加坡都係靠管,但新加坡有笞刑,重嚴格過香港!佢好多議題都係求其拋個理論出嚟,唔詳細解釋,到其他人質疑,佢可以大條道理,話係全部人都誤會佢意思.
其實就係佢專登,要個話題可以不斷咁延伸討論,但最弊唔係為件事好,係為佢自己出位.大陸有個詞語,叫御用文人,係形容有班讀書人,畀政治制度招攬咗,無條件為政府嘅政策,或所謂政治正確護航,喺公眾場合發表言論,佢地做嘅嘢係有政治目的,有收錢/某種事業上嘅利益.如果太介意,反而中咗佢地不斷造新聞嘅圈套!認同佢嘅人唔係多數,但一定好認同/好反感嘅人先會表達意見,就令人誤會好多人思想唔開化,加深分化.另外,佢都覺得李嘉誠住嘅屋都唔係好大,佢係用緊好粗野嘅方式,去討論成敗,話香港嘅成就係低層次,中國無需複製,甚至可以無條件睇唔起,係香港人夜郎自大.如果係個唔多識嘢,年紀大嘅固執人咁諗,大家都接受到,但係個讀書好多嘅教授,喺節目度講,其實係對青少年有唔好嘅價值判斷灌輸...因為每個城市都有發展軌跡,有好有壞,但佢不斷講香港嘅壞,先求其扮公正,講1兩句公道話...其實對香港好唔客觀....