✔ 最佳答案
N216貴+兜,出旺角轉車唔建議咁搭。
出旺角轉車既,可以首先乘搭往旺角既紅色小巴。
上車地點高超道(油塘中心對面)或者鯉魚門道沿途。
去到通菜街(先達廣場外)(終點站)落車。
落車後向車尾方向行,一路行到旺角道後轉左過對面馬路,行前少少去小巴站轉搭專線小巴58S。
要注意既係呢架小巴有去上水既車,睇清楚係去大埔先好上。
呢條線經大埔墟,總站係八號花園。
成人總車費為$10(紅色小巴)+$14(58S)=$24
要平啲既,西洋菜南街,近旺角道個頭有去太和既紅色小巴,收費$13。
真係要搭九巴N216既,就唔好去旺角轉車啦,可以係彩虹轉車。
搭N216既話,請首先係油塘巴士總站,高超道(高怡村高遠樓外/高俊苑對面)上車。
搭至斧山道(彩虹邨錦雲樓外)(九巴報站器會顯示為"錦雲樓")落車。
落車後向車尾方向行,至龍翔道轉右,係紅萼樓外既小巴站,轉搭專線小巴501S。
呢條線經大埔公路(元州仔段),廣福道,寶鄉街,寶鄉橋,安祥路,安慈路,汀角路同埋大埔太和路。
成人總車費為$7.7(N216)+$18.2(501S)=$25.9
咁搭可能會快些少,不過車費就比較貴。