中大 / 浸大音樂碩士

兩個當然有interview啦, 浸大我知道仲有時會俾筆試人, 問general music knowledge, 對音樂看法, 讀黎做咩咁等.

不過我想答左你第2個問題, 其實你知唔知音樂系undergraduate係咩資格考入去的? 我剛2011年浸會學士畢業, 500個人選出考筆試, 再選100人first interview, 再50人second interview, 我d同學如果piano的話, 個個起碼演奏級同幾種樂器在手, 小提琴亦係大熱, 又係8級以上...

之後呢d人好少讀番浸大個master, 多數出去. 因為master入面d人好唔係行演奏的路.

對於master收生, 我都有本科不是music的朋友報, 但佢地都起碼prove到俾interviewer睇佢地做緊音樂有關的工作, 想透過進修而轉行, 有時仲會即時叫你露兩手, 睇下你係咪真係音樂人.

最後, 以上的資料係想話, 這是一條很專業很認真的道路, 入得音樂系, 唔止鍾意music, 仲要可以堅韌到排除萬難, 唔要只當興趣, 仲要係終生事業, 如果你是這樣決定的話, 再操一些音樂history, theory, aural, listening, 同你小提琴的repertoire, 諗好點答人地音樂係命, 就去報名.

我只係想講現實我們音樂人艱苦的一面俾你知, 音樂是我第2個學位, 起初只有樂理5級, 報學士時只操到2個樂器8級, waiting list第一個補上, 我想, 我有資格和真心說以上的東西.

祝你夢想成真!