九龍城寨, 宋王臺, 李鄭屋古墓

頭兩個都係喺九龍城而且相距唔係好遠,第三個就喺長沙灣

不過上水出發去九龍城又好,長沙灣又好,都係冇直車要轉車(最近喺大埔有車)

如果想條路線順D,會建議跟返你寫嗰個次序,即係九龍城寨-->宋王臺-->李鄭屋.

你可以先乘港鐵東鐵線去到大埔,再轉乘75X喺"嘉諾撒聖家書院"落車,行返轉喺近東頭村道交界入去公園內就到; 去宋王臺就喺"宋皇臺道"落,之後行番轉過咗宋皇臺道就到.

如果由城寨去宋王臺可以沿聯合道車行方向行到街尾,左轉太子道西,喺獅子石道行隧道到另一面,向當時車行相反方向,之後再有隧道到花園,最後行去馬頭涌道嗰邊又有一條隧道,再沿車行方向行到宋皇臺道前就到宋王臺. 如果唔係好跟得到既話可以喺75X落車嗰度乘九巴11K線同樣喺"宋皇臺道"落車.

最後由宋王臺行返轉(即係向車行相反方向)一直上,去到過咗迴旋處之後有堆巴士站(站名係"富豪東方酒店"),喺嗰度搵九巴2A線搭,去到"古墓公園"落車就到李鄭屋古墓.

至於三棟屋博物館係喺荃灣,如果由九龍城出發可以喺"富豪東方酒店"乘九巴40號喺"眾安街"落車,但係之後仲要行一乍天橋先至到,未知閣下會否有能力行去,尤其是你係路痴,可能會比較容易喺天橋上盪失路.



2012-01-20 12:23:08 補充：
修正:

你可以先乘港鐵東鐵線去到大埔-->喺大埔墟站行去75X上車嗰度條路唔係咁順,如果唔識行又唔係好趕既話你可以改乘73號巴士或去大埔既紅小巴喺寶鄉街近寶鄉橋落車(巴士站名係"寶鄉街"),之後左轉寶湖路轉乘75X線.如果喺清河邨出發,你仲可以乘502專綫小巴去到大埔中心落車,之後左轉安埔路返回大埔中心巴士總站乘75X線.

2012-01-20 12:43:03 補充：
之後左轉寶湖路轉乘75X線:呢度係指紅小巴既情況

如果係73號巴士,請行番轉右轉寶湖路而且過寶湖路馬路先

2012-01-20 12:43:29 補充：
係寶湖"道"先去啱

2012-01-20 12:43:56 補充：
係寶湖"道"先去啱-->係寶湖"道"先至啱

2012-01-20 14:09:35 補充：
由城寨(寨城公園)去宋王臺仲可以行去東頭村道嗰邊都可以乘11K巴士; 如果行返出75X落車嗰度,你可以再搭去九龍城碼頭方向既75X,85,85A或85B一樣喺"宋皇臺道"落車.