話明會安排second in俾我, 但又再登報......

好多公司請人都會咁做, 佢地會有一個 timeline 做野, 視乎該空缺部門想合適嘅應徵者幾時番工。 所以佢地通常會响招聘嘅 timeline 之內, 盡量篩選啱嘅人, 再安排一個時間去做 second in。您可能係其中一個好大機會, 但唔係只有您一個。


您嘅情況除非 first in 已經落實請您, 咁通常即日做埋 second in, 再傾埋細節。 但如果佢要擇日做 second in 的話, 就有機會係有幾位人選考慮中 (當然您係其中一個候選名單)。 至於繼續刊登同一個 post 嘅招聘廣告, 可以有種種原因:

1. 如距離 timeline 仲有時間, 希望拍板前盡量再見多d人, 用有限資源請個最滿意嘅人。

2. 大機構好多會順手當幫公司賣下廣告, 因為而家好多招聘廣告會登埋公司 LOGO, 業務性質, 官方網站等等; 同業或 potential customer 都可能會瀏覽和感興趣。

3. 好多公司都會請自己人先, 但因會比人抽後腳抵觸平機/ 歧視呢d, 所以扮下野都會登招聘廣告, call d 人上去做 interview, 做定呢d紀錄以策萬全。


至於最快可到職日嘅問題, 遇啱 CNY 將近, 一般公司都唔會安排新人呢段期間番工 (服務性行業除外), 一來無野可以教您做, 二來無咩野做但呢幾日人工要照出 (頭搭尾連紅日都有 9日), 所以您30號 available 應唔會構成影響。

再講如果依您說 "請硬咁", 即閣下條件極好, 咁公司唔會因為呢個小問題飛起唔要您, 因為等您幾日都係值得。

其實您打去 "催" 人安排 second in 比您係大忌, 除非人地一早約實您係呢個 week。 其次都係果句, 因為 CNY 所以唔急, 對方要見您嘅人會得閒先決定。

任何情況都係您揀工, 工揀您, 所以無得擔心。 老實講, 可能您已經由正選變成後備, 因為副總裁就算幾忙, 佢嘅助理/ 您講 "果位同事" 都會按佢 schedule 幫您約, 最多推到好後而唔係無影。

我唔知 "果個同事" 係咩官階啦, 正常黎講如果您真係要打去問人, 應該打番比 HR (或叫您 first in 果個人) or first in 見您果個, 唔駛再 call "果個同事", 佢似 "西遊" 緊您拖住您。


Anyway, 祝您好運。