關於伊朗問題2(請steventtw20和其他專家回答)

chung兄問左好多問題，我揀重點回應。以我所知，伊朗並非中東最強軍力，雖然佢有彈道飛彈，不過短程彈道飛彈既戰績一向麻麻，命中率好低，攻擊密度亦低，伊拉克射左幾十支，殺左幾個訓緊覺既美軍之外一無所獲，利比亞都有好多短程彈道飛彈，但最終卡達菲發覺根本無法用來打內戰。如果唔計彈道飛彈及信猶太教既以色列，咁中東軍力最強既可能係土耳其。土耳其軍隊規模超過50萬，全部都係美式裝備，亦係北約成員，所以經常與美軍及其他北約成員國訓練，軍隊頗為精實。不過土耳其國策比較不問世事，如果無被直接侵犯，土軍都唔會出動。

伊朗既軍事實力比較難測，不過狀況應該唔係太好。空軍戰機係萬國牌，雖然有F-14，但近年零件缺乏，據聞可飛既只有幾架。伊朗軍手上最好既武器係反艦飛彈，威力幾大，而且荷姆茲海峽太狹窄，加大左反艦飛彈既威脅。全球八、九成石油由此出口，比伊朗封鎖左呢度全球都無運行，所以美國咁緊張唔係剩係與佢本身既利益有關，而係全球都承受唔到波斯灣被封鎖。

伊朗未必好似伊拉克咁廢，畢竟內賈德政權民望唔係太低，只要佢同宗教領袖團結一致，就算係面和心不和都肯定會凝聚到巨大既人心支持。打仗係燒錢既玩意，以美國依家既狀況，啱啱係伊拉克撤軍，阿富汗戰爭又未完，財政又極為短缺，再次跨過半個地球遠去全面入侵伊朗既機會不大。

我個人認為美以兩國對伊朗一樣會係外科手術式攻擊，以色列可能會用31年前同一個方法，以空中精確打擊方式消滅伊朗核設施，我個人估計以色列有好大機會再次得手，因為伊朗與伊拉克及敍利亞一樣用俄式防空系統，而呢類飛彈係2006年以色列攻擊敍利亞既行動中証明完全係廢既。美國未必會直接出手打伊朗，但有機會設立禁飛區，為以色列既攻擊爭取絕對制空權，呢樣野美軍絕對做得到。反而美軍需要非常留意伊朗既潛艇，荷姆茲海峽係小型柴電潛艇既天堂，美國必須極大地加強反潛能力。

2012-01-19 23:55:40 補充：
回應一下隔離意見版志雲兄既論點。如果以色列及伊朗雙方真係開戰，我幾乎百份百肯定想打嗰個一定係以色列，而且唔係如志雲兄所講係跟美國做野，反而係調番轉美國禁唔住以色列。31年前以軍空襲薩達姆既核工廠，雖然傳說話得到美國既默許，但整個行動自始至於都係由以色列策劃及執行。依家伊朗既情況與當年既伊拉克相似，而且上次以軍既襲擊徹底成功，所以近幾個月不斷有消息吹風話以軍會食過番尋味。

2012-01-20 00:00:10 補充：
江湖傳聞話以色列既國策係唔容許中東其他國家擁有核武，如果伊朗真係有心做核彈，比以色列打既機會都幾大，其實天下間真係只有美國禁得住以色列。當年薩達姆射飛毛腿飛彈到以色列，就係引以軍出手，而以國高層亦真係想出兵，只係美國強力壓制，再加上出埋試驗無幾耐，仲未量產既愛國者飛彈保護以色列既大城市先至搞得店。

2012-01-20 00:29:35 補充：
小弟認為現時美國其實係睇緊以色列想點做，如果後者一定要出手，我估美國會好似幾十年前咁唔出面，最多提供預警機提供情報，但打擊主力會係以色到既F-16I。

2012-01-20 00:35:40 補充：
再回應henry兄，如果以色列打伊朗，我幾乎九成肯定其他中東阿拉伯國家唔會插手，因為當地形勢與以前已經完全唔同。當年阿拉伯世界會幾次同以色列打係因為有埃及納塞爾及敍利亞阿薩德兩個鷹派強人帶動，後來納塞爾被殺後，兩國已經唔想再打以色列，其他國家亦無再出手，所以1981年打伊拉克一樣無攪大件事。依家中東阿拉伯各國有參與當年數次以阿戰爭既領袖已經全部過世，新一代阿拉伯領袖好難再有當年嗰股熱血去同以色列砌過，而且圍繞以色列既阿拉伯國家亦非強國，埃及與敍利亞甚至內亂未定，更加唔會打仗。

一起玩情趣用品網路商城，提供成人情趣用品、情趣內衣等，全省宅配到府、超商付款包裝隱密，歡迎參觀選購。

一起玩情趣用品官網：http://www.17one.net

一起玩情趣用品粉絲團：https://www.facebook.com/17one

其實點解有人會認為以色列會攻擊伊朗?
雖然以色列與伊朗是不同政見及信仰，但就從未有過大規模衝突。而且以色列更不會傻到聽美國話出兵；畢竟借地方比美軍是另一回事，不能同一看待。

另有一點﹕荷姆茲海峽係小型柴電潛艇既天堂；但同時亦是獵潛之好地方，一個聲納浮標就可照亮整個海峽，所以美國實在不應在意那些潛艇。美國要打伊朗都無須借助以色列。

Steven 兄, 如果以色列真的攻擊伊朗, 又會否令戰火擴散??