✔ 最佳答案
首先答左你 (4). 而家新高中制考既試叫 HKDSE [香港中學文憑] , 所以, 文憑等於升大專之前既學歷, 技術上同中七相同, 所以, 不等於大專學歷. 係大專院校同大學有得讀既叫做 Higher Diploma [高級文憑], 程度大約係三年制大學既二年班. 所以, [高級文憑]係一個大專學歷. 清楚d未? 咁你到底問既係 [文憑] 定係 [高級文憑] 先?
以前中五考既會考係Certificate[證書], 比文憑又低左一級.
(2) 中七合格叫matriculation[大學入學許可], 即係專為升大學/大專既準備班. 學既野以升學為主. HKDSE用來取代舊中七, 雖然話多d通識, 都係為左升學做準備. 所以, 基本上 中學文憑同中七係相同學歷.
(3) 由於HKDSE係新野, 搵工好唔好搵視乎d老闆接唔接受. 在下認為其實畢業出來既學生本來係相同既中學, 由相同既老師教出來, 而且由HKDSE取代AL, 除非老闆唔請呢個level既人, 其實唔到佢地唔用囉. 結果, 邊樣出身都係咁搵工既啫.
如將 [高級文憑] 同 [副學士]比較, 高級文憑一般實用性強, 一畢業就可就業. [副學士]既畢業生就以升學為目標, 通識會好d, 可塑性高d, 但係就業方面可能無 [高級文憑] 生咁ready.
係兩者之上係 [學士], 或叫學位, degree. 呢個level會全面d, 升學就業都ok.
如你在讀HRM高級文憑, 搵工可以找d人力資源助理等職位, 機會都幾多, 前景又不錯, 可以的話, 搵到工之後再parttime讀埋個學位, 就容易升職加薪啦! 就算公司唔升你, 跳槽都仲有大把機會. 比心機吖!
2012-01-27 10:31:55 補充：
明白咯.
咁你要知同樣叫得做文憑, 即係同一個level. 不論係邊度返學, 不是高級文憑, 就即是中七程度相仿=不是大專.
分別係人地中學文憑係主要為升學用途, 而HRM文憑就係專修與HRM有關既知識技能. 出來搵有關工作, 話就話著數過中七畢業啦, 仲可以慳到時間添. 不過離開本行就冇著數囉. 搵返本行又比起高級文憑差左一截.
如果你已入左大專院校, 建議你讀埋上去高級先至搵工比較有把握(同一間院校容易承認學分可以慳時間慳錢) 因為就算搵 [人力資源助理] 既工作, 好多都會要求或首選 高級文憑畢業生. 你拿住個文憑未必夠人競爭, 分分鐘做返中七個d工種都唔定.
