我隻貓仲有無得教

5個月大, 係最好玩, 又係最頑皮既年紀喔.

見過貓媽媽教bb未呀? 如果邊個bb曳, 貓媽媽會鬧佢, [炳]佢 (用貓手輕輕拍佢個頭), 炳得幾次, 貓bb就會守規矩.

冇貓媽媽就要你來教了. 鬧唔可以和顏悅色咁 [你曳曳啊...], 佢係唔識聽人既說話內容. 鬧要用身體語言, 堅定既聲線, 指住佢做錯既野比佢睇, 例如輕拿住佢後頸, 令佢面向咬穿左既糧袋, 大聲d講[唔准咬糧袋, 明白未??!!]

另外, 你唔可以真係炳佢, 咁大個人類拍打咁細隻既動物, 好容易令佢內傷. 不過一般貓係怕水/討厭濕身既, 特別係天冷既時候. 咁如果屋企容許既, 可以用水槍, 噴壺之類作為懲罰既用具. 佢跳上d唔應該去既地方, 就用水槍射佢囉.

如果你唔係屋企又點算呢? 貓既另一個弱點係唔鍾意凍冰冰, 沙沙聲既金屬野. 有人話一d貓[禁地]可以鋪鋁紙, 貓就唔會點企上去架啦, 例如電腦頂, 組合櫃頂既地方.

如果係唔想佢入睡房, 你可以去寵物用品店買一種[趕貓]噴劑, 噴落地板, 皮梳化等都得, 有淡淡的芫茜氣味, 在下的貓聞到會作嘔, 就唔敢行近梳化同睡房啦, Yeah! 用之前要得家人同意和肯定沒有人過敏至好. 如果唔肯定, 可以用生洋蔥/蒜頭乍汁加水, 用噴壺噴下, 應該都可以維持幾日有效既, 通常用左一頭半個月, 隻貓明白左唔應該做既事, 就唔噴都得.

最後, 貓叫到好似比人虐待? 成日咬人? 佢都係想你注意佢, 同佢玩啫. 係咪好冇安全感/好悶呀佢? 屋企得佢一隻貓咩? 通常養多一隻等佢地有伴, 就唔會成日煩住主人架啦.

教貓bb同教人bb差不多, 都要好多耐性, 慶幸貓bb大得快, 呢個過程可能幾個月就會成為過去, 到時成年既貓冇咁痴身, 又懶玩, 叫都唔睬你, 你就會懷念而家呢段日子架啦.

我屋企隻大貓都好鐘意咬穿糧食
所以後尾我就搵膠箱收好D野食
同埋佢咬蝦條
可能未必係肚餓
而係想食零食

至於垃圾筒呢個問題
會唔會係因為你食完D雞/其他肉類都掉落去
佢聞到好香,以為有正野
你試下放橙皮/檸檬汁落去
大部分貓都怕呢D味

首先
有可能係牙痕 買玩具俾佢 等佢轉移視線唔駛咬穿自己d野先

2. 未定性 鐘意玩 鐘意搗亂 基本上你要捉佢教教

唔見人就叫 姐係想你注意佢 想你理 想你陪

請問咩品種 睇佢唔似美英短=.=似安哥拉
當然亦有可能係唐貓-.-!

基本上佢咬你 你應該捉住佢 之後直視佢
然後喝佢 基本上應該俾佢知邊個先係老大=.=
重有 入房唔見人就叫 咁好易嘈到人
建議-.-打下佢patpat 同埋 喝佢
如果唔係大個教唔到

同埋佢再咁落去 可能連電線都咬埋-.-
再唔係可以買d防破壞噴霧 (EQyss幾好 辣辣苦苦)
避開d重要野先
慢慢教喇 最緊要係俾佢識驚你先
如果唔係遲下當你無到 真係唔掂

偷食的話 一見到就捉住佢
然後拎返件野食 如果佢吞左就彈佢鼻
瞪住佢 然後話佢
咁做多幾次自然會明

如果你重有咩問題你又想問 唔知問邊個
又或者唔好意思出街入鋪問
我個人推薦呢間寵物網店 MASTER PET
雖然岩岩新開 但態度好好 而且可以問野
當然....你問完買唔買=.=我都唔會理
不過最緊要係自己問到想要既答案
間鋪由寵物美容師開 知道好多關於寵物既野
以下係佢地網址
http://www.facebook.com/MASPT
又或者可以聯絡佢地客服
[email protected]
[email protected]
你鐘意可以問下先
希望幫到你