結婚旅行地點推薦! 旅行結婚有邊度好介紹

結婚旅行地點的選擇， 最緊要係你有幾多預算 ， 準備使多啲錢 就去歐洲， 法國嘅巴黎就夠浪漫同靚 ， 美國嘅拉斯維加斯夠浪漫同快速 ， 好多明星都去拉斯維加斯結婚， 如果你唔想用咁多錢， 就去關島， 馬爾代夫，泰國， 台灣等。有人會去日本， 不過我唔建議在櫻花樹下影結婚相， 因為櫻花太快凋謝啦。
香港好多旅行社，婚紗攝影公司，都有代安排旅遊結婚影婚紗相， 我在巴黎都睇到有香港人帶埋攝影師去影結婚相， 當然你要俾埋攝影師旅費及食宿。
你可以在題目上面的搜尋欄打【結婚旅行】就會睇到好多人嘅建議， 你亦可以去 Google 打結婚旅行攝影， 就可以睇到邊啲公司會同你安排。

可以考慮去泰國的七岩_華欣, 而華欣有水上屋的.

我上次係自由行去左華欣及七岩, 跟左當地的朋友自己渣車由曼谷出發去需要2.5-3小時才七岩, 我地係七岩玩左一日先, 而第2天再由七岩渣車去華欣, 需時20-30分鐘就到. 如果唔想由七岩渣車去華欣, 可以係七岩沙難行路去, 不過辛苦D及要多D時間才到.P.S.:
1. 去華欣及七岩除左可以租車自己渣車去之外, 係曼谷有巴士及火車去到七岩及華欣的, 詳細搭車方法: 可以去書局找七岩+華欣既旅遊書看看, 本書入面有教你點樣搭車架喇!
2. 七岩去華欣可以搭的士去.

建議行程:
頭3日可以去七岩及華欣的海灘及去當地的旅行社找專業導遊帶你去國家森林公園探險. 當地的旅行社有好多, 如果你唔知邊間好的, 可以找旅館OR酒店的職員介紹一下. 七岩是比較寧靜悠閒, 而華欣的生活比較多采多姿及好多夜市. 至於七岩及華欣的住宿方面, 我上次去入住一些小型旅館, 500-700株一晚. 雖然比唔上酒店咁豪華, 不過環境ok及唔駛預定房間, 到時walk in都有得入住. 最重要係可以參觀左房間先才比錢入住, 睇唔啱的話可以找過另一間旅館. 無論係七岩OR華欣的海灘, 到了晚上攤係沙灘上看星星好正架, 從來未試過見到咁多星星, 而且仲有好多流星添呀. 而華欣既海灘, 日頭去的話仲有馬匹租比遊客騎, 如果從未試過騎馬, 可以試試, 因為沙灘人多, D馬既速度唔會快, 而且係沙灘度趺左落黎都唔會咁疼.另外有一樣華欣特色小食要介紹給你吃, 不過檔主是流動小販, 唔知你夠唔夠運遇到佢: D個每天流動小販每天早上都會推住一部雪糕車係華欣既街小巷四圍走. 主要是賣糖果及雪糕, 佢既雪糕好特別, 唔係用紙杯OR甜筒裝比你, 而係用一塊白方飽卷成甜筒的形狀再裝雪糕比你食, 5株就有文易, 如果見到該流動小販, 記得一試. P.S.: 雖然該流動小販推住一部雪糕車係華欣既街小巷四圍走, 但佢所出售既食物(包括: 白方飽及雪糕等都有食物容器包好及保溫, 所以唔駛怕唔衛生, 可以放心食用的.如要在華欣食晚飯, 可以去到沙灘一間中國古廟旁邊的餐廳食, 唔記得左個名, 但佢既門口一直入去餐廳內係一條窄巷及用竹做裝飾. 餐廳內可以看到無敵海景及無嘜窗及牆壁阻擋視線, 全是用竹造的. 而且餐廳有現場樂隊唱歌, 你亦可以點唱的, 不過當然是要英文歌喇! 佢地嘜野英文歌都識唱架.
第4日可以出返曼谷去Let's Relax做SPA先至返香港, 因為搭`左咁耐車都會覺得有少少疲倦.. Let's Relax的環境舒適乾淨, 你可以去http://www.bloomingspa.com/index.php睇下價錢及地點先. 不過最好去做之前打個電話去預約. 因為佢有好多客去做的, 如果沒有預約就咁上去的話, 可能未必即時安排到師傅幫你做spa.

希望以上的資料可以幫到你喇!