宣道會陳瑞芝紀念中學

我粗略咁數過比陳瑞芝好嘅學校，陳瑞芝係香港約莫排四十幾到五十幾。
當然，我只係用公開考試嘅成績去衡量。
揀學校係應該考慮埋其他因素。

至於屯門區嘅第一組別，我會咁排：

1. 順德聯誼總會梁銶琚中學
2. 保良局百周年李兆忠紀念中學
3. 香港九龍塘基督教中華宣道會陳瑞芝紀念中學

對於第一至第三，我諗對屯門區嘅學校有相當認識嘅都會同意。

4. 保良局董玉娣中學
5. 妙法寺劉金龍中學

呢兩間唔夠前面個三間咁好，但係依然係唔錯嘅選擇。

6. 順德聯誼總會譚伯羽中學

雖然係中文中學，但係譚伯羽嘅成績係好過好多英文中學。

7. 南屯門官立中學
8. 屯門官立中學

兩間官立都唔係好好，不過，爛船都有三分釘，我仍然會話佢地比另外兩間啱啱轉用英文嘅學校好。
就講市中心個間，雖然收好多屯門官立小學嘅學生，而且會考成績唔多好，但係高考嘅成績都唔錯。

9. 屯門天主教中學
10. 馬錦明慈善基金馬可賓紀念中學
11. 仁愛堂田家炳中學

呢三間學校都係轉用英文教學無耐，雖然成績唔錯，但係我都會話佢地係最差個三間。
始終，幾年前佢地都仲未可以係自己個度收夠六十個有十四分嘅學生讀預科。

除左公開考試，呢度已經考慮埋學校係其他方面嘅表現。

不過要揀學校，最重要都係自己去間學校睇睇。

希望幫到你啦！
如果仲有唔明，可以再問。