上堂同溫書問題

其實上堂想同人傾計同埋訓覺都係必然的事,因為上堂的氣氛的確係比較沉悶啦>>至於成績差好大部分的原因都係因為冇聽書啦 ,甘見你甘問,其實都知你真係想追番D成績,甘我就當然會盡我全力去幫你啦:
1.先訂下自己的目標
呢點係好重要架,你冇1個明確目標,你係唔會知自己想點>可以諗下自己係中4想讀咩科,努力達成呢個目標啦>因為其實就我所知呢,學校係根據學生的成績去編你入科,除左係睇果科的成績之外呢,仲會睇埋總成績=所以先為自己訂目標
2.訂下自己的分數目標
諗下自己想係唔同科想拎到的分數,為自己訂立1個分數的目標>可以訂立1個高D的目標,目標愈高,拎到分數當然亦會愈高>因為人訂下左目標,最後達到的效果往往都會低過原先的目標,所以1個高D的目標可以幫到你
3.記住"而家成績唔好,唔代表以後拎唔到好的成績"同埋"相信自己係得既"
好多人係因為人地的言語,覺得自己唔得,所以先至自暴自棄>人地點講係人地既事,只要一直有相信自己的信念就可以>要記住無論係任何情況底下都要堅持,即使遇到難道都1樣=記住心態係好重要架,如果你自己都覺得自己唔得,甘就真係冇人幫到你
4.運動,飲食同埋睡眠都要充足
好多人都為左可以令自己的成績變好而忽略左運動,飲食同埋睡眠,但係呢3樣野都唔充足既話,對身體的健康都會帶黎嚴重的影響,有充足既睡眠,係第2日上堂先有精神
**首先要做到以上,跟住係1D讀書既方法
1.自己訂下1張時間表
讀書呢樣野係急唔黎架,一定要持續甘去做先可以,所以1開始唔好搏命去溫,甘樣反而會令自己仲辛苦>為自己訂1張只係屬於自己的時間表
2.係圖書館的自修室溫書
係屋企誘惑太多,好難集中精神去溫書>相反自修室既安靜環境底下可以比你只集中精神係書上面>要注意既係係安靜的環境下,好易會想訓覺,所以可以叫埋好朋友一齊去,佢可以提醒你
3.向同學請教
有時候老師講既野可能會冇甘明,但係可以去問1問D同學,所教既內容可能會更明白,千其唔好係測驗考試前先黎問,愈早明白會愈好
4.使用特別方法溫習唔中意既科
對於1D唔中意既科,會令更加唔明白當中既內容>甘係因為無興趣,所以呢,我地就要增加1D趣味>可以用1D特別方法黎記住,如果係歷史,就可以試下將事件連成1個個故事,好似睇故事甘,會易記好多>如果係串英文字,可以將字拆開就唔同的部分,會易記好多,或者整生字卡都可以=你可以用唔同既方法去溫書,將自己既興趣融入溫書方法,有效提升溫書既動力

其實我係中1既時侯同你一直都唔聽書啦,呢種情況一直到中2下學期先改變,但係我D成績由中1到而家都係排係班既中間,情況同你有D唔同>不過我係中2下學期先至努力,因為個底本新都可以,結果係下學期的數學考試拎到100分滿分
所以呀,我都做到,相信你而家開始都一定可以既,即使個底唔好,但係只要努力一定可以,加油呀:) 有咩可以幫到你既話,可以問我,我會盡力去幫你>

冇架LA...你唔係讀書既材料
你捱到中六搵IVE算LA

上堂已足夠~~~~~~~~

中一至中三,上堂聽書已足夠~

你有無做運動的習慣? 如果有, 可以每朝都去做一陣運動. 令自己精神好啲. 上堂就有機會專心啲. :)

試下訂個分數目標俾自己, 及上堂前備課. 咁都有幫助GA.