究竟男仔咁講咩意思?我仲可以點做?更新仲有三角關係(長篇!)

打得比較長,不過都希望大家可以盡力睇完幫下吾識拍拖既小妹)
小妹最近煩惱中...搞到自己好唔開心..來得太快也去得太快...
身邊冇朋友知道....好希望有經驗者可以幫下我教我點做~

我個case 係咁..一次朋友活動,同一個男仔朋友fd搭fd認識左..都識左大半年了
不過次次同去活動都係一班人..同果男仔唔算熟亦少單獨傾計~私底下活動以外都少conatct~只係間中fb閒談下而己
但係岩岩11月中開始,佢同我多左私下contact 同約我單獨2人約出街食飯
出街有同佢影合照,佢會張張搭我膊頭好close,好似情呂咁
佢約我出左2-3次就同我表白了~因為我內心一直都覺得佢唔錯..一直都存有好感~所以冇距絕,比佢拖住手~
不過同佢一齊左之後..大家都只係見得3,4 次~平日冇見就靠whatapps contact 多..少講電話...得幾次...而且話題不算好多
我唔知點解對住佢會表現得比其他人拘謹..緊張..

最後一次見,係同佢過完聖誕25號~又感到佢好似冷淡左落黎~26,27號各自有朋友聚會,冇見面
-27號果晚我返到屋企,有同佢網上傾左陣~我講到d吾開心,因為覺得大家吾似岩岩拍拖中既情呂,成日傾電話,好Care緊張大家..
佢問我覺得佢性格係點,我果陣答好似有d吾嗲吾掉,吾中意傾電話,好需要自由空間
-28號佢去左介紹我地認識既男仔(B君)屋企玩,第一次全日冇揾過我..我都唔敢揾佢
(*B君同我識左幾年,向我表白過2次,不過因我對佢冇feel,所以決絕了,不過仲有一班出來玩)我其實吾Sure B君有冇係佢面前講中意我,,不過果男仔話B君唔知道我同佢拍拖ge事~
29號見佢都大半日冇消息~我忍吾住whatsapp佢,閒聊下再問佢做咩好似聖誕見完之後冷淡左咁多既
初初佢都唔認..話有咩..我再同佢講希望有d 咩佢可以直接坦白同我講..
佢就答我話可能佢心態上有d 問題,
我再細問佢咩問題,佢話自己未好投入到..都唔知自己想點..咁我同佢講俾時間佢自己諗清楚,再告訴我

再過1日,夜晚佢fb主動叫我同我講覺得自己真係未ready重新開始一段感情,
佢有諗過...不如我地做返朋友先, 慢慢了解對方
總好過而家佢又投入唔到, 我又覺得辛苦,對嗎?
我當時當然會好唔開心...雖然由佢表白到一齊既日子只係2星期多d...大家平日都少講電話,
主要用whatapps~講真大家都覺得問題係溝通唔多...
另外,我有問過佢投入唔到其實係同我相處上有問題定放唔低同佢第一任gf..
(佢地係中學同學,拍左2年,分開左1年多d..因果男仔之前去外國讀書幾年,keep唔到long disc而分開~)
佢話後者可能有少少,佢話其實同我相處係幾舒服,話我份人十分容易相處..
我: 你同我一齊時,卻發現你個心仲掛住上一任,是嗎?
佢:又唔係掛住佢既
我:咁係d咩
佢: 我都講唔出, 總之就唔可以完全將佢ex我回憶delete,我唔想亦唔忍心繼續拖住你
問佢最初因為d 咩而決定同我表白..佢答覺得我係一個好女仔,,會為人著想..
話同我表白佢對我由頭至尾都係咁認真..是真的...

其實自從佢表白後..大家出過去3,4 次..佢次次出來都表現得同我好close,好糖痴豆咁..
一見面佢會好主動拖我手,攬攬,額頭貼額頭,錫我面呢d 行為..而我承認我份人就比較慢熱被動..
初初拍拖係表現得比例較害羞,拘謹
所以出來時我係完全察覺唔到佢投入唔到...我都被佢行為矇騙左我自己...

到依家..佢話做番朋友先..再慢慢了解...咁我都唔知可以點..只好同意...
其實我真係好唔甘心..唔明點解可以咁快就同我講話投入唔到..畢竟大家只係相處2星期多d..冇吵過架..
大家出去都ok ga~我依家在責怪自己點解自己表現咁慢熱,咁被動..可能咁令佢投入吾到
而佢有時出去時會問我有冇掛住佢.我又要扮野話冇掛..(心其實當然掛)唉..
我好後悔,仲未好好做好我女朋友本份就同我講做番朋友先..真係好唔開心..唔甘心..因為我仲鍾意佢
係聖誕我地仲好好,佢仲booK左餐廳,有送我禮物,我好後悔我果次咩都冇準備..十分吾識做人...
原本31約左佢倒數,我仲打算出到來補番份禮物俾佢,不過早一晚大家話做番朋友,當然冇出到~
依家大家都有成個幾星期冇任何contact~
只係有send過 一句簡單的"新年快樂"俾我
問心我吾想同佢冇哂聨絡,今次發展得太快也結束得太快,
我好吾甘心就咁完結..
成日自己諗如果再相處下,一定會好好多,我亦會冇咁被動..好吾甘心
難得遇到我個我一直中意,真係吾想咁就冇左><
好希望大家俾俾意見我小妹 感激

1.)佢個心其實係點諗?
2.) 目前的我應該點做至合適呢?
3.) 佢講話大家做朋友先,再慢慢了解,其實係唔係只係藉口呢?根本冇心再見我?