~急問~ 監獄潛在規矩(入面d 人要我朋友入錢落一個戶口到)

而家監獄好文明, 同 “監獄風雲”內容係完全兩回事. 基本上, 監獄係再無人收陀地、收保護費呢回事. 人人都係挨時間等出冊, 同懲教署職員關係好d就好挨d. 啲職員都係打份工, 你搞事煩到佢, 佢就搞到你無運行. 所以犯人一般唔會搞咁多事, 只會自已埋堆搵娛樂過日晨. 俾d職員知道某人屈人錢、收保護費, 懲教署會將搞事者掉去其他監獄, 甚至加佢監, 咁就一切從頭開始, 難捱好多. 所以你朋友個case九成唔會係乜嘢 “潛規矩” 、 “要進貢否則俾人打…”之類嘅事.你朋友叫你入數俾某人, 原因只得一個 - 唔夠煙仔! 煙仔喺監獄係地下貨幣, 想食好d、件衫乾淨d、有人代你去洗廁所、唔夠郵票用、想夏天有水飲… 通通要俾煙. 另外, 煙仔最大用處, 係 “賭”! 買波、買馬、打麻雀, 玩天九通通要煙. 但係, 普通犯人在監獄期數工作嘅工錢唔多, 每月得一、二百, 買唔到好多煙. 買得煙嚟又無得買飲品零食. 咁有d人煙癮大或因某d原因唔夠煙, 就要同人買或問人借. 買煙方法係寫信通知家人喺出面入錢至某戶口, 然後打電話 “報數”. 確認收到錢後, 戶口持有人會通知賣家收到錢, 咁賣家就會俾煙買家. 呢個運作叫做 “劃飛”. 借煙運作亦差不多. 借咗人煙, 就要寫信通知家人喺出面入錢. 賭輸咗錢亦都一樣要寫信通知家人喺出面入錢還債. 當然, 監獄亦有大耳窿: 借十包收八包, 每10 / 15日俾利息一包. 還唔起就自已舉手要求 “過界” (掉去第二個監獄), 咁債主就會叫人喺出面搞佢家人.監獄 “劃飛” 價格係大約每十包煙$1300- $1500, 視乎供求 / 煙主定價. 你朋友有家人唔搵而搵你, 重要寫幾次信, 好明顯係急要煙. 我估計應該係賭錢輸大咗, 急住要還錢, 但又唔可以叫家人幫. 因為如果淨係想買吓雞翼食、洗吓私家衫, 唔會咁急. 佢應該係家人唔肯幫 / 幫無可幫, 先搵朋友. 我好肯定你幫完佢之後, 再會有第二、三、四、五次… 而且你要小心, 佢債主會問佢攞你d資料 (寫得信俾你, 當然有你地址). 如果佢爆廠無得還玩過界, 佢債主會揾人搞你迫你幫佢還.幫唔幫你決定.

這些規矩由來已久，可以說是約定俗成。雖然錢不是多，但既得利益者為了眼下的利益，錢往往就是老子。財可通神，在任何地方也如是。
　你朋友可能出現以下情形：在監獄欠下賭債，由外面的人代為償還；又或是得罪某些人，而被人勒索。大部份囚犯都會叫親友給錢他們，或者討價還價，但求一次過付錢息事寧人。　
　你可以在探望時向你朋友了解一下，再同懲教署方面講，因為有時並不是你情我願，你問我索錢我便給你的。