我15歲，但思想行為都仲係好幼稚。

你放心吧!大把人係咁…
好似我啦,都17啦,
行為仲好似d細路仔咁…講野又唔經大腦,到依家都仲俾人話。

雖然都唔係太享受俾人話唔夠成熟,
但不竟都咁大囉,點都會有自己獨特既想法,
我可唔想好似有d人咁樣「懶係」扮成熟咁,

自己就係自己,
況且每個人都會有幼稚既時候嘛~
唔需要咁介懷人地既睇法,
將來一定會有識得欣賞你既人~我相信。

原來你都係一時可以癲、一時又靜既人黎架!
我同你差唔多,
我初識既時候睇起黎好似唔太親切咁樣,
但玩起上黎其實仲癲過佢地………

我建議你可以搵一d同你類似性格既人交換e-mail或facebook(不過依家有d網上騙子好恐怖,都係小心d好d),你就會發現其實有好多野都唔洗咁介懷~

之於打扮……你可以參考一下身邊周圍d女仔,始終著得好睇d都有個好印象俾人~

希望以上既幫到你啦!

p.s.我都好鍾意睇動漫,大部分都係少年漫~

你同我一樣呀 真係完全一樣
鍾意動漫 又宅 又幼稚 16歲
5鍾意打扮 我d fd 都叫我做婆婆嫁^^
但我好在同人相處得好 都冇乜野
其實咁我覺得冇乜野 5需要刻意改變自己
同人傾到計就得啦 出下街少d係屋企^^
你真係同我好似呀 好耶

你只是性格跟別人有些不同而已,不過你就唔應該做宅女,多和別人溝通吧^3^

15歲都唔係好大姐。

睇動漫，看漫畫係一種興趣來的,唔算幼稚,好多五、六十歲D人都睇。

按自己的生活方式就好。

越睇越覺得你講緊我=__= 我比你重慘今年都20la 我男朋友同我屋企人都話唔知我林咩 一時可以做d好kai既野 一時又好成熟
其實我自已都唔知 即林即做 我逆覺得我唔需要變
出黎社會做野做要靠經驗慢慢累積嫁 唔洗驚
對明星冇興趣，宅女 and 腐女
我中2看漫畫 and BL 懶得出街
(放假無野做可以訓到下午5點(起左身都仲好眼訓 被人鬧醒)
我想化妝 但懶得學
睇落係未我勁d呢? so你唔洗驚la 我都未驚過
做番自已就得la!!!

係唔影響他人、唔傷害自己既情況下 ... 呢 d 係你既特質 ... 無需要 sad ... 亦無必要下下去迎合其它人既評語 ... 如果人地講咩都要跟住做 ... 你會好辛苦 ...

有其他野想傾既 ... 可以電郵我 (^ ^)

每個人都有唔同既性格嫁啦！你唔鐘意打扮？maybe係你懶姐。仲有，你話你好幼稚，點幼稚法先？有時挽果陣都唔會咁注意自己嫁啦！