✔ 最佳答案
睇你真係好緊張... 睇下幫唔幫到你.
如果你係用 BNO 或者特區護照, 係香港直飛去加拿大, 中間唔會係美國轉機 (即係你只可以誓加航或者國泰), 咁樣你就唔需要申請簽證, 停留係加拿大 90 天了.入境表格肯定唔會有中文的. 正如香港的表格會否找到日文或韓文?? 不過你已經 14 歲, 讀英文都已經讀了 10 年, 要你填一份簡單的英文表格會有幾難??? 如果真係唔識, 搵空姐, 或者其他乘客幫手. 如果你有禮貌, 一般人都唔會拒絕一個小朋友嘅.先唔好指望有任何翻譯. 過關前, 去 Toliet 梳洗一下, 執返 D 眼耳口鼻, 個人精神一點, 移民官對你的印象會好好多. 你同你媽媽一齊行埋去, 講句早喝晨, 你好之類, 比護照佢檢查. 佢有可能問你點解去加拿大, 去幾多日, 住係邊度, 幾時返等等. 以上簡單對答, 相信你會 handle 到. 聽唔明嘅, 你可以請佢講多一次, 講慢 d. 你自己唔需要緊張, 眼神唔好閃縮, 四圍望, 你越驚, 佢越問. 如果你有親戚係加拿大, 問到嘅, 照答. 有親戚係加拿大唔係罪, 但講大話你就好大件事. 移民局嘅人最憎人講大話, 你講大話即係你有意隱瞞一些事. 佢地一日見 N 咁多人, 你估佢知唔知你講真定講假, 特別係一個小朋友 ??? 你答佢冇親戚, 只有朋友, 難道你就唔可以住係朋友屋企然後賴死唔走???基本上冇人理你帶幾錢入境. 你只去14 日, 冇理由只帶幾百蚊加幣的... 但當然亦唔需要太多, 合理便可以, 不過我從來未試過係任何一國被查問帶幾錢入境, 或者收入問題. 因為收入係個人私隱, 移民官唔需要知道. 一個家庭主婦唔代表佢唔可以去旅行, 相反一個BANKER 也可以做黑市居民.另外, 既然你地咁擔心語言不通, 咁就請你問清楚親戚, 加拿大有 D 咩係唔可以帶入境, 特別係食物. 中國人好鍾意帶 D 海味, 臘味出國送禮, 但部份國家係唔比食物入口的. 比海關搵到, 錢銀事少, 麻煩事大....
