請steventtw20回答。

老實講，本人答唔到你呢啲問題，因為無乜認識，我只能知無不言。

內地已有多間高等院校決定係首屆文憑試放榜後到香港收生，不過據我所知應該無國防類院校。已前我都有提過，一國之軍校其實係培訓該軍既軍官，而軍官作為軍隊既領導者，基本上只收有本國國藉既公民。基本法明訂香港人唔駛服兵役，即係暗示唔歡迎香港人加入解放軍。

不過，之前本人睇過另一個網站講左一件好有趣既事。如果你係1997年之前歸化為英藉，即取得英國國民(海外)，俗稱BNO既身份，根據英國法例，你可以投考英軍。但我建議樓主先要唸清楚係唔係真係咁想當兵，尤其係服務外國軍隊。

淡江大學既入學要求本人唔清楚，但類似國際關係學士課程其實香港有得讀，據我所知至少港大有，好似中大及浸大都有，入唔入到當然要視乎你公開試既成績。至於畢業出路，本人一樣唔清楚，只知道有啲畢業生做教師，又有一部份做政府工。