✔ 最佳答案
匿名朋友,您好!
如果要話面對上述情況有d咩後果,又假設當事人真係有做過上述行為,坦白講句就真係唔會有咩好結果啦。感化令本身已經係俾左定罪人士一個改過自身既機會,感化期間仍觸犯多項刑事罪行,真係要認真考慮下面對住法官仲可以有d咩求請理由先得。
一經定罪,勒索罪既最高刑罰係監禁14年,刑事毀壞既最高刑罰為監禁10年,自稱三合會成員既最高刑罰為罰款$100,000或監禁3年(首次定罪)/罰款$250,000或監禁7年(第二次或以後定罪)。當然法庭實質係會參考返情況最接近既案例再判刑,最高刑罰只係一個指標。
特別要注意既係,法庭一般對涉及三合會背景及有組織性既案件較難考慮輕判,加上被告早前已有被定罪紀錄,即使法庭仍會考慮被告既家庭環境、工作/學業、悔意等求請理由,或會為年青被定罪者提取報告,不過一經定罪被判處監禁式刑罰既機會係相當高,最好有心理準備。可惜由於您所提供既資料較少,未能進一步比較其他案例。
至於保釋方面,如果被告並無提出保釋申請,當然會被拘留/還押啦。不過即使提出左申請,法庭都會視乎案件嚴重性可以拒絕保釋,咁既話就會一直坐到上庭/判刑喇。
補充一句,以上內容只供參考,不能視為正式法律意見。如有需要請盡快尋求正式法律服務,如委托私人執業律師或申請當值律師計劃 。想再進一步傾傾,可add我msn/fb:
[email protected]
天助自助者,祝好運!