淘寶物流係米唔同順豐個d?

1/ 順豐係一間快遞，淘點物流係淘點旗下業務。無淘寶物流呢樣野。

2/ 順豐較快但較貴，上偏遠地區（可引申為住宅區）要收附加費。淘點最近有分集運同單件，單件限每件2kg以下，集運則可以最多夾5張淘寶單一齊由大陸中轉站運落黎，如果大陸個邊唔肯直接寄落黎或者包郵，咁郵費會比較平同方便。

3/ 淘點上OK拎（只限集運單）有大小同重量限制（最多6kg入落長27闊40高21cm紙盒入面），上門有3間公司提供有平有貴。OK最多只到6kg58蚊人仔，如果對比番條數覺得唔算貴既話其實會方便，特別係對細件以及唔係成日有人響收件地址收件黎講。

4/ 順豐可以等佢送上門、上佢門市拎（只限辦工時間，地址好多區都有最好打電話去問）只響某部份七仔有得拎。有得收件地址請睇 http://www.sf-express.com/hk/tc/product_service/service_intro/24_hours.html

5/ 順豐響7仔取件有大小同重量限制 ，份件唔可以超過5kg同30x 25x 20cm。重量計係一樣運費，只係唔計偏遠地區附加費（即住宅上門30蚊）。

6/ 申請開戶時需要提供支付寶帳戶資料，買左淘點後按指示充值，入左15分鐘內會按番淘點匯率（我呢日係1.27即1000蚊淘點入左得番787.4）入左去對應既支付寶入面。OK同七仔張淘點發票有效期7日最好儘快入左佢。



小小總結建&提示：

- 便利店好處係24小時自己取件，但你份件一定有重量同大細限制，過左就冇得玩
- 不論順豐定淘點（TGX）都有門市可以響佢辦工時間取件，咁可以免偏遠地區附加費
- 無論係便利店定係快遞門市都唔係貨倉，辦工時間內3日不取件會調走甚至罰存倉費
- 集運又好快遞又好，貨件越長（如長魚杆）體積越大運費會有另一條數計，計番有機會甚至貴過淨重計法
- 禁運件不論淘點順豐都一樣唔會過關，因為係兩地海關規定，所以唔好買翻版/食物/任何粉末性質產品/電子產品etc除非你打算番大陸自己拎番件貨
- 無論係信用卡找數定淘點充值都要睇清楚滙率，以我呢日計我只知我張HSBC VISA（連手續費）匯率係貴過我今日充個張淘點0.02



參考

香港人淘寶網小貼士（咩都有，有問題上去search下佢d文章多數有答案

禁運件參考單（拍前必睇，唔睇就拍只可以講句抵死
https://www.taodot.com/portage/portageRule.php#header6
http://www.sf-express.com/hk/tc/delivery_step/enquiry/restricted_delivery/restricted_delivery_impt-expt.html
*最低限度都用旺旺問下賣家寄唔寄黎香港。送單前先用旺旺黎同賣家先溝通係不明文規定，特別係要寄港咁複雜一定要同佢傾清楚

淘點物流（有集運同單件，請詳細睇清楚流程同條款先好寄）
*因為兩邊都係先寄去廣東收集站再寄黎香港，收集站地址同你既電話唔錯得否則拎唔番

淘點自取件門市地址（除左淘點仲包括TGX門市取件

淘點OK取件地址（只限集運件，留意體積同重量限制

順豐七仔取件詳情（留意體積同重量限制
*主要係寄件寫7仔地址，但聽聞係有人因為件細叫佢去附近七仔拎算數又慳偏遠費用

順豐門市取件地址（請先前打電話確定地址辦工時間同是否可取件
* 我習慣淘寶寄件個陣寫自己地址+太子門市自取，如果番黎太重太大件唔想自提就叫佢上門

2012-01-09 02:37:32 補充：
順豐門市地址連結修正
http://blog.hktaobao.net/2010/01/3_29.html

順豐門市無正式地址清單
目前皆為網友收集

在淘宝网買東西前, 一定要問貨品可否運往香港, 否則貨件到集運中心簽收後, 貨件不運出香港, 錢要支付, 但沒有貨收.

淘點是淘寶網為香港地區會員提供充值及集運服務，而順豐速運是一間專門提供中港快遞服務的一間快遞公司。

淘點集運的好處，是可以提供買家與不同賣家購物，把不同賣家的貨物先寄至淘點東莞的集運中心，集齊幾間單貨物一併再寄至香港買家手中，可以減輕每名賣家各自單獨直接寄到香港買家手中的運費。弊處是，由於賣家先將貨物寄至淘點東莞集運中心代收，再由集運中心寄至香港買家手中，若貨物在運送途中發生損壞，則很難向賣家投訴及退款等要求。事關無法界定是賣家的快遞公司損壞，因為集運中心已經代你確認收貨。

順豐快遞的好處是，基本上從內肔各大城市寄出的快件，翌日就能送到收件人手中，時間相當之快。弊處是運費較其他快遞公司及集運為貴。同時順豐速運有很多貨物都不接受投寄，如電子產品、及一些較為敏感的商品，一律不寄往香港。

淘點集運是可以提供直接上門派件服務，住宅地址需要額外支付附加派送費，工商業地址免收。另外還可以選擇在指定的OK便利店提取貨件，可免卻住宅派送附加費。

順豐最新服務是有提供在指定7-11取件，當派件員至電收件人時，收件人可以要求在7-11取件。當收件人收到確認在7-11取件短訊，憑短訊到7-11領取。


2012-01-07 12:14:37 補充：
要求順豐在指定7-11取件是否不用收附加費，就不太清楚。因本人是順豐上門取件及收件的，但你可以致電順豐熱線詢問一下詳情，順豐熱線：2730 0273。

有關淘點充值券，是在購買後在有效期內，登入淘點網輸入收據上的淘點編號，大約等待15分鐘後，便自動兌換成人民幣到支付寶戶口內。

我沒有詳細了解,所以不要盡信。

以我所知,OK只提供淘寶貨件「寄存」服務,你只是去拿寄存在那的東西;所以送上門什麼的聽也沒聽過。

順豐是一間快遞公司,快遞公司的職責是送到上門,根本毫無「寄存」到7-11的理由。

也可能是新服務,但至少我未聽過便利店把寄存物送到上門;以及快遞公司明明有收件人地址卻把貨件扔到便利店,叫收件人自己去拿。

以下是雅虎搜查結果:
http://hk.search.yahoo.com/searc ... tab-web-t&rd=r1

或者你可以直接去官網search睇睇有冇你要的東西，
http://www.okonlineshop.com
希望能幫到你!