「教會創傷壓力症候群(4)」

我患了教會創傷壓力症候群 , 大家可否給我一點意見呢?

在我還是小孩的時候, 我曾經見到一個盲人, 在天橋上乞食, 在我見到這個盲人的時候, 其實我已經被爸爸打傷並趕出街, 身上的錢, 証件, 鎖匙, 都被姐姐沒收, 因為她不想我可以生存, 因為我有自閉症, 家人要離棄我, 媽媽事後才知道這事, 已經報警, 但還是未能找到我, 爸爸卻安然的繼續賭錢, 兄長沒有理會, 因為他一向看我不順眼, 換句話說, 當我看到這個盲人的時候, 我是自身難保, 更難說我可以幫他一把了!

正因如此, 長大之後, 我特別關顧傷健人仕, 可能是因為我出於一個非常冷漠和排斥的家庭, 所以信仰才會使我着迷, 教會是我可以關顧別人, 又同時可以被人關顧的地方, 又此可看出, 信耶穌的人, 可能是遇到解不開的心理難題與童年創傷的人, 在他們心中有種驅力, 很希望信仰可以使他們從創傷中出來, 可是, 如果是這樣返到教會, 你難免會找到失望, 你甚至會感到被騙.

在十七年前, 我經過了多次的挫拆(詳見問題:「教會創傷壓力症候群(1)-(3)」), 對基要教會 多少有點失望, 於是我毅然踏入了一間靈恩教會 , 其實此舉也是受到「童年時曾看到無助的盲人」 的經歷所影響, 盼望接觸靈恩教會 所提出的神蹟醫治 , 是真的幫得到這些無助的傷健人仕 .

可是我到了靈恩教會 聚會, 見到的所謂神蹟醫治 簡直是一團難SHOW , 他們雖引用聖經:

「信的人必有神蹟隨着他們 , 就是奉我(耶穌)的名趕鬼, 說新方言, 手能拿蛇, 若喝了什麼毒物, 也必不受害, 手按病人, 病人就必好了. 」(馬可福音 十六: 十六)

但聖經的應許, 似乎難以兌現 , 信徒除了傷風感冒能靠祈禱得痊瘉外(其實係靠本身抵抗力) , 其餘的病, 不但沒有醫好, 反而惡化, 其中我見到教會裏有一對姐妹, 帶着一個患有柏金遜症的媽媽, 極其艱難的每行一步都震數次, 到來教會求神蹟醫治 , 牧師用手按着她, 並呼喚耶穌聖名 , 又趕鬼, 又說方言, 事後還叫這個女人以後不要看醫生, 並要掉盡醫院給她腦藥, 以彰顯她對神的信心.

可是, 一年之後, 這名母親, 並沒有好返, 相反地, 因為冇食藥, 病情惡化, 半身都癱瘓了, 我心想:「你班契弟, 如果係冇料到, 就唔好叫人地唔睇醫生唔食藥 啦! E次真係俾佢地累死喇.」

而且, 在這年多以來, 她那對女兒不斷奉獻十份一 的金錢給教會, 導致家庭經濟更加拮据, 個阿媽又搞成咁, 真係悽慘咯. 這更令我覺得, 靈恩教會似祈福黨多啲 .

之後, 我又帶咗個斷咗隻手既人, 俾佢地個副牧師按手醫治, 他祈禱之後, 有個親愛的弟兄對他說:「如果你明早睡醒之後, 發覺隻手生番出來都唔出奇. 」聽罷我心想:「我可否靠祈禱生多隻腳, 一腳踢個弟兄出街呢?」

由於我有自閉症, 於是他們又話幫我祈禱醫自閉症, 他們還說在天堂上, 耶穌做咗好多士啤器官(spare parts), 只要我們有信心, 就可以攞E啲器官來換, 不需到醫院排隊做器官移植, 於是我立刻解釋自閉症係大腦結構問題, 點知有個好可愛的小妹妹話:「咁咪祈禱換腦囉, 神已經在天堂上幫你做定個腦等你用信心去換.」但我心想:「咩話! 換腦? 換咗之後, 果個人仲係唔係我來呢?」但係我覺得果個叫我換腦的小妹妹真係好可愛, 如果唔係因為自閉症, 令我溝女技巧拙劣, 我一定溝咗佢, 話唔定, 佢會將自已十幾萬積畜, 跟我的幾千元銀行戶口對換, 到時就發達喇.

總而言之, 迷信是很不智的, 不單會損失金錢, 奉獻給導人迷信的教會, 而且更會令我們失去醫治疾病的應有良機, 我為了有咁多人被基督教的靈恩教會欺騙金錢和治療機會, 真係感到又痛心, 又創傷 .