有關考完試喊既問題

我唔係一個好感性既人,就算我睇咩電影,
連睇Titanic個種我都唔會喊得出,
但可能我真係好緊張自己既成績,一考唔好就覺得自己冇用,
所以剩係係學校遇到切身既事先會喊 ...
我係一唔開心,眼淚就會流晒出黎,
完全係控制唔到 =__="

本身自己有幾科(中文+科學等等)係極差,
雖然讀band1中,平均考得唔算好,
但係每次考試都好易喊 =__=
所以期考又到啦,好有必有問下可以點做...

(1)我每次喊都會透唔到氣,
而且係會喊得超大聲個種,所以連d冷血既老師都會覺得我好可憐= =
但係大個左覺得咁樣好樣衰 ...
點樣可以喊得冷靜d,唔好喊到透唔到氣咁? (好自然就會係咁)

(2)除左諗d開心同好笑野,
點先可以盡快平伏到情緒 ?
(諗開心野對我冇用,我試過好多次,真係唔知仲有咩方法)
PS 係學校 =__=

(3) 喊完之後無意中照鏡見到自己眼好腫...真係好樣衰
係學校,點先可以係5分鐘到入面令到喊完好似冇喊咁?
PS 係學校唔會有熱毛巾同埋冰匙個d野嫁 = =

(4)有時真係連喊都喊唔出,
個下先至係最辛苦,
個心屈住屈住咁,好唔舒服 ...
如果係學校,點先可以喊出黎呢? (諗唔開心既野冇用)

(5)平時點先可以練到堅強呢 ?
(我比人恰下都會想喊,唔記得帶功課都會) =__=
真係好想知點解我仲好似d小學生咁,
郁唔郁就喊,一d都學唔識堅強...
但係我小學6年入面係完全唔care,剩係喊過1次咁大把 -__-
我升中(今年中2)之後 , 係學校喊左成4次
我係唔係愈黎愈傷感.......
而且呢種痛苦係忘記唔到,
但係我......就算忘記到一時,
下一次考試既時候挫敗感又會不請自來...
雖然話喊對考試絕對係冇用,
但係我真係忍唔到.
唔好叫我樂觀d/唔好將件事睇到咁大/下次努力個d
呢d咁抽象既野我做唔到,
無論我盡晒力都唔會合格既.
雖然話盡左力就算姐,但係我真係接受唔到自己咁廢-_-