極煩惱! 唔想得罪同學... 點算!? (字海慎!)

A同學: 女仔,佢好靜,但唔知點解我覺得佢係一個好恐怖既人,好難形容...同B同學係朋友(普通朋友)

B同學: 男仔,都算係好靜,佢以前得罪過我, 所以幾驚我... 同A係朋友,身邊有另一班豬朋狗友(包括C同學),但佢D所謂既FD經常出賣佢.

C同學: 男仔,八掛多咀...成日話A同B有路.

(依家我同以上3位同學唔多熟)

正題開始:

上個月聖誕聯歡會,
C突然問我有冇相機,
我話有,之後問佢用黎影咩,
佢正係話: 有D野就快冇, 我想影低.
我以為隔離班有同學入黎想同佢影相(因為D同學會好快翻自己班),
就係咁我借左比佢...
點知原來佢係偷影A同B,
果陣,A同B坐埋一齊食野,
C就影低左佢地,
比B發現左,
C就跑鬼左去...B追住佢...
我見到C咁樣用我部相機,
當然衝去攞翻啦!
之後B扔部機比我,
C捉住我, B就同我講, 叫我將D相放上FB,
之後C求我唔好將D相放上去...
我答應左唔會放.

由佢影A同B到C叫我放相上FB呢段時間...
我覺得自己好似間接變左幫凶,
因為佢將相機扔比我果陣,
呢個動作, 我覺得A同B以為我叫C偷影佢地...

當然我冇放相上FB啦~
但到我想同B講清楚件事果陣,
佢起假期冇ON過FB/MSN...

事隔N星期...
唔知A同B會點唸我...
都係怪我將相機交比C...
我好想同A,B講清楚...
但唔知點算好...
我唔想多個仇人... (好怕人地憎我....)

咁我應該要點做至好?