這坦克是甚麼型號？

回樓主，呢架係日本仔老翻德國豹2A4型既90式坦克，到現時為止仍然係日本陸軍既最先進坦克，不過已有超過二十年無升級，未來會被10式坦克取代。有趣既係10式坦克既坦克炮威力竟然仲差過90式，咁既倒退實在係聞所未聞。

日本仔當然吹到90式天上有地下無，以廿幾年前既標準來睇，90式當然好先進，因為佢有自動裝彈機及車長獨立追蹤目標系統。但個自動裝彈機經常故障，用處有限，而且支炮並非日本國產，係直接引入豹2A4既原型炮。當然，日本坦克裝甲一向麻麻，你睇佢到依家都未有複合裝甲就已經夠匪夷所思。

呢款坦克有300架左右，據小弟所知全部裝備於日軍精銳，駐守北海道既第七裝甲師。有趣既係舊年311大地震為日本有史以來最嚴重既天災，日本要派有三防裝置(即防核輻射、防化學武器及防生物武器)既坦克入福島核災區救災，但有三防裝置而又最先進既90式坦克卻繼續呆守北海道，日本只派差得多既74式坦克應急。反而前排日本搞一次講明針對中國既演習，第七裝甲師就不遠千里由北海道南下至九州，可見係日本政府高層眼中，人命係幾咁唔值錢，即使九級地震國難當前，都唔會用最好既裝備救急扶危。

車身同炮塔的側面不是斜面,真係硬食外來攻擊囉....

網友 steventtw20 真不愧是軍事迷，I 服 you ！