✔ 最佳答案
我試過最有效都係用 香味 蓋過狗味.
我係屋門邊及窗邊, 都放左 電香薰 (香X飄).
插電呢隻至有效, 仲要較到最大.
就咁放係度果d我都試過晒, 冇效.
我特登拉電線拖板去門邊插電香薰.
仲有味就係走廊噴 空氣清新劑 (同味).
遇上投訴ge鄰居果陣, 我仲會好好聲氣咁問下佢地仲有冇狗味, 因為自己聞慣左唔覺. 呢隻香味o唔ok? 有冇濃得滯定唔夠? 不如轉薰衣草味? 仲覺臭就直接同我講, 無謂咁小事麻煩管理處......
我隻狗太耐冇沖涼, 污糟固之然大陣味la.
不過佢剛沖完涼頭幾日都會大陣味.
因為沖涼液沖走晒d保護性油脂, 咁佢要快d生番d油出黎所以會大陣味.
所以沖涼太密都可能會有狗味.
so, 我會係兩次沖涼之間多d用清水抹身or淨溫水沖涼, 減少用沖涼液次數.
佢而家夏天3-4星期, 冬天6-8星期至用一次沖涼液.
基本上唔臭, (係其他人話ge, 我自己跟本上已經聞慣晒, 已經聞唔出.)
陣狗除就用其他香味蓋過.
仲要記得 擦牙, 清耳仔 & 清肛門腺,
呢幾度都會製造狗味.
出街梳毛, 逆毛梳, 等狗味散, 散完再順毛梳番靚至返屋企.
盡量帶狗狗出街大小便. 如在家, 便後要立即清理.
攪好d鄰里關係.
關係好, 大家有傾有講, 有咩不滿會同你講, 就唔使投訴law.
佢地知道你已經盡晒力, 做左好多野, 唔想自己養狗騷擾到鄰居, 咁佢地又會包容多d.
祝狗狗健康愉快!