讀到中二就無讀書lu，20歲，但依家想讀翻書

如果無最基本既中五或新高中既中六學歷，樓主好難升讀更高學歷，就算好似有樓主都最好唔好信。雖然如此，我建議樓主最好先去讀左毅進計劃先。毅進既入學資格係中五畢業，來年新毅進中六畢業，但最緊要係只要任何人年滿十八歲以上，就可以mature student既身份入讀毅進，樓主應該夠資格。毅進只讀一年，若成功畢業可獲等同會考五科合格資歷，而且包括中英文，對想繼續進修既樓主來講係一個可行既出路。

新毅進計劃要係2012年9月先開始，收生大概會係5月至8月。毅進最大既好處係除左可以得到五科合格外，課程並不劃一，樓主可以揀有興趣既證書來讀。

好多人都話毅進無用，呢個係極之錯誤既觀念。無錯毅進並非高學歷，但完成毅進後既同學可以一路繼續升學，又可以考政府工，對無法係其他途徑取得五科合格資歷既同學來講係可行既增值途徑，樓主應該仔細考慮。

給steventtw20大師之資料補充：

毅進文憑改八單元必修通識（星島日報，2012年1月4日）

毅進計劃今年九月結束，將由新的「毅進文憑」取代。教育局昨向立法會教育事務委員會提交討論文件，透露毅進文憑將由現時的十個單元改為八個。據了解，當中必修單元將會大整合，取消普通話、資訊科技應用，新增通識教育；中英文課時亦倍增，以加強學生語文能力，總課時維持六百小時。學生修畢課程後會獲頒全科毅進文憑，學歷相等於中學文憑試五科二級成績，包括中文和英文，符合報讀高級文憑或副學士課程的學歷要求。不過，隨着學生畢業資歷提高和通脹強勁，預料毅進文憑的學費將會調整。

讀大學唔係高薪保證, 你實力高有人賞識, 經濟環境不差既, 可以好多人想請你. 你實力一般, 就算有人請, 人地都唔會出高人工. 所以有d人讀完大學, 一萬元人工都無. 有d人搵到人工高的工, 做得好辛苦. 有人讀完大學, 畢業後都係做同sales差不多性質的工, 甚至同中五中七畢業爭工做. 你問下自己自記憑乜人地比一萬以上人工比你, 人地唔會因為大學畢業四字就會比你.

你話自己唔係讀書材料. 比你讀設計、會計、旅遊, 你自己會唔會讀得掂? 有d人求其搵野讀, 逃避出去搵野做, 打下日後失敗基礎. 讀會計亦唔保證你日後高薪. 新入行做會計文員月薪六千左右, 有d大學生入會計師樓都係得7-9K人工, 仲係好耐先加人工.

但無論如何, 你揭下job ad., 出面請人起碼要高中學歷, 所以你搵下有無夜校中學讀, 起碼讀完高中.

讀設計la ~~~~~~~~~~~~