急!!朋友被告販毒 請幫幫忙!!

上邊個法庭, 係由律政署决定. 而律政署決定上邊個法庭, 最主要係睇控罪嘅最高刑罰, 而唔係睇認罪後判幾多年. 所以有時販運10克毒品, 都可以上高院. 以114克可卡因計, 一定係告販運, 最高刑罰係終身監禁, 所以99%會上高院.你無講114克係粉末定純度, 我假設係粉末重量. 根據經驗, 可卡因純度大約70%, 即係114克粉末嘅可卡因含量大約係80克. 根據劉德明案例, 販運50至200克可卡因判刑指引係8至 12年. 而在梁振邦一案, 上訴庭認為販運78克可卡因判刑起點為9年半並無不妥, 所以你朋友嘅判刑起點都會係差不多. 佢d可卡因喺屋企搵到, 無國際因素 (加刑), 而且佢係認罪嘅, 所以可得1/3折扣, 即係判刑大約76個月. 如果喺獄中行為良好, 可再減1/3行為良好減刑, 即係實坐50個月多d.上訴庭判刑指引係各級法院都要遵守, 除在非常特別情況下, 法官不能徧離. 所以基本上無乜嘢可以幫到佢減刑. 教會 / 求情信只係例行公事, 作用不大.

Pro 14:14 心中背道的、必滿得自己的結果．善人必從自己的行為得以知足。

咁多份量都大機會上高院呀！不過
你的朋友有冇番過教會呀？如有，番左幾耐？

認罪就減三分一，咁佢有冇同黨？
最重要就係要請律師，如果經濟有困難，可以申請法援。

如果想知道更加多就可以add我msn: [email protected]

等你回覆！！

朋友仔~ 114克係相當多既一個數量~
根據劉德明 (CACC 230/89) 一案中頒下販運可卡因 / 海洛英嘅判刑指引~
50-200克既量刑點為8-12年~

由於你朋友過左16歲~ 基本上會係返成人庭審~
如果根據個量刑起點黎睇~ 的確有機會要係高院審~
因為刑事案件中，區域法院法官的判刑上限只是7年監禁。

但留意到既係你朋友認左罪~
認罪一般可減1/3刑期~ 扣減左之後既刑期唔過區院既上限~
所以有機會可以留返係區院到審~

加上你朋友只係17歲~ 法官會拎所有報告先決定個判刑~ 例如感化報告, 背景報告等等~
但如果驗到你朋友對毒品呈陽性反應~ 咁有好大可能判入戒毒所~

其實年齡、悔意、案例、認罪減刑(一般減1/3刑罰)、法官對你朋友既印象等等因素都會影響到點判個刑罰架~

你係指你朋友一直有返開教會~ 所以睇下教會到有無咩可以幫到手?
畢竟呢d涉及你朋友既私隱~ 唔太方便係個咁公開既地方傾~
如果你想詳細d傾下~ 都歡迎你再add我msn/fb: [email protected]

補充一句， 以上內容只係經驗分享，並非法律意見，建議如果你有需要盡早尋求專業法律服務!!

2011-12-31 20:59:46 補充：
感謝peterchan7708對資料的更正 :)