求救! 請幫幫我! 關於店舖盜竊認罪

[匿名]

2011-12-26 12:38 am

本人29歲犯了店舖盜竊罪在超市偷了80蚊野
第一次上法院好擔心，因為下星期已上法院，去唔到民政處約時間，特有以下問題想問

1.其實已經在警署時決定了認罪，我也有向差人求俾一次機會，本人初犯，會否坐監？會否留案底？

2. 如果張紙寫9點到法院，我8點半找當值律師幫忙，會否太遲？

3. 當值律師是否都會懂廣東話(因為我地唔懂英文)？

4. 之後和當值律師傾好後，是咪當值律師和我去上庭，而我就在犯人欄果邊？父母去旁聽坐低？

5. 當日法院的程序會是點？

6. 我自己和爸媽都有寫求情信，但我們不懂英文，爸媽寫的求情信更是簡體字，會否影響法官睇唔明求情信？

7. 我相信一日唔會只得我一個人的案件，如果有幸不用判坐監，我的父母是否都要等到審判所有犯人後才可以離開法院 (因為果日媽要去醫院覆診)？

一時貪念令家人和我的身心受到極大傷害，特別是年近歲晚，我們沒有什麼快樂，只有不停地擔心。所以先至會問咁多，希望有心人可以幫忙解答，萬分感謝！！！

回答 (1)

用戶2684

2011-12-28 3:01 am

✔ 最佳答案

1. 你放心, 除非係犯案累累嘅慣犯, 否則無人會因偷 $80而坐監嘅. 懲教署每名犯人每日嘅成本係七百幾蚊, 因為 $80而判你坐監, 既唔合乎經濟效益, 亦係法律上所謂 “sentencedisproportionate to crime”- 即係 “罰則與罪行不乎比例”. 所以你認罪嘅話, 只會罰你錢 - 大約$1500至$2000啦 ($500 - $1000罰款, $1000堂費). 但係, 盜竊罪係刑事罪行, 你又係成年人, 入罪就–定會留案底.2. 最好大約8.15am去到. 你都識講, 當日唔會只得你一個人的案件. 3. 當值律師識廣東話.4. 是.5. 你入到法庭就坐在公眾席, 到叫你就行出去企喺法庭中間, 面對法官企好. 書記會讀你嘅控罪書, 然後問你認唔認罪. 你答認罪, 咁書記會讀出案情, 再問你同唔同意. 你答同意, 咁法官就正式裁定你有罪. 跟住就求情, 然後法官就判刑. 如果係判罰款, 你去繳費處俾錢後就走得.6. 無影響. 法庭有翻譯員.7. 你父母只係旁聽, 鍾意幾時走就幾時走, 唔使等到審判所有犯人後才可以離開法院.

2011-12-29 18:08:53 補充：
7. 不是. 你俾咗錢就走得, 唔駛理律師.
8. 認罪自己講, 求情當值律師講.

參考: Veni - Vidi - Vici

👍 0 👎 0