V(伏特)和A(安培)有甚麼分別?

安培計量度電流，伏特計量度電壓

有電壓可以冇電流架，例如你家中插蘇，你可以用電壓錶量度倒220v，但你可以量度倒電流嗎﹖電要流動就要有回路，其實電流同水流特性相同，而電壓同水壓亦相通，你要水流就要有水管，水管大細可以控制流量，但更大水管而冇足夠水壓就冇水流。你有見過消防水喉嗎﹖水係噴射出嚟而唔係流出嘅，你知點解，就係因為水壓。電流回路就係你件電器，通常叫做負載，電能如果唔變做其他能源，除咗可以行刑之外，就冇乜大用，負載嘅作用就係轉化電能為光能，熱能或其他動能。所以電壓係電流嘅源動力，如果負載不變，電流同電壓成正比，加大電壓就有可能燒斷保險絲或燒毀電器，如果電壓不變，電流同負載成反比，所以一個插蘇如有過多插頭就有過荷危險。