很難很難的難題...我覺得自己好犯賤

近呢兩三年, 我先發覺自己的真愛原來一早係13年前已經出現左, 由於我當初未玩夠, 鐘意左第二個, 所以同佢一齊一年左右就提出分手, 當時既佢好無辜, 不斷問分手原因, 我一直都冇答, 只係好似電影橋斷咁講 : 大家唔夾! 分手3年後有一晚好想搵人傾計, 就唔知醜咁打去佢屋企搵佢, 咁岩佢唔係屋企, 佢媽咪同我傾左一陣, 話仲記得我係邊個, 話佢個仔仲係好鐘意我, 好想我地係返一齊, 問我有冇可能? 當時既我竟然話大家性格唔夾, 而家唸返覺得自己好白痴, 當時佢對我好到我自己根本冇任何藉口同佢講分手, 點會唔夾呢? 只係自己貪玩姐, 跟住同佢都有聯絡過1-2個月, 之後因為自己果刻有男朋友, 所以開始避開佢, 之後大家已經冇聯絡, 連我同佢當時有冇交換過手提電話我都唔記得!

事隔8-10年, 呢個人係近呢2-3年不斷浮現出來, 而家直情每日都唸起, 好想搵佢, 好想撞返佢, 不過又好驚佢已經有女朋友, 結左婚或者組織左一個好幸福既家庭會騷擾倒佢, 我知道我以前真係好錯, 我亦都知我唔應該再去打擾人地, 我更加知同返佢復合既機會幾乎等於零, 因為我只係有佢屋企電話, 地址同佢鋪頭(因為佢屋企開鋪頭, 佢會落去幫手), 有時好想係佢鋪頭附近望下佢, 可能自己好想知道佢而家點, (自私d講, 好想知而家既佢會點唸我?) 但係我又唔敢去面對佢, 無論個答案唔係自己所唸又或者佢會鬧我, 至起碼我都可以死左條心, 唔會再有希望~ 做到我咁真係自己攞黎賤......