管有危險藥物 急

管有5克k仔, 一般會告販運, 但佢得15歲, 又認咗自己食, 好少會堅持告販運.
如果告管有而佢又認罪嘅話, 就會判入更生中心, 但亦有少少機會判感化.很不幸, 不論管有或販運, 如果入罪一定會有案底. 在毒品案中, 裁判官係無權下令不留案底嘅.幫佢請律師求情, 無錢可以在上庭當日早d去到法庭請當值律師.

樓上幾位師兄引用嘅許守城案例, 只係適用於販毒罪.

根據第134章 危險藥物條列 第8條 "管有危險藥物非作販運用途及危險藥物的服用"
(1) 任何人不得─管有危險藥物；或吸食、吸服、服食或注射危險藥物。
(2) 任何人違反第(1)款的任何規定，即屬犯罪，最高可處罰款$1000000，並監禁7年.

正如上面個位人兄所講~
1-10克個判刑為監禁2-4年~
而你提到你細佬有拎過警司警戒~ 唔知當時係因為咩而拎呢~?
如果係同類型案件~ 個官可能都會對你細佬有壞印象架~

其實實質點判仲要好睇其他因素，例如年齡啦~ 15歲~ 係少年庭個官盡可能用其他判刑代替監禁既~ 另外仲有睇個悔意啦~ 認罪一般可獲減刑1/3

當然~ 平時既表現良好~ 例如做下義工呀~ 返學認真等等~
有老師既求情信~ 都會增加個官對你細佬既好印象既~

其實最親既屋企人犯左事~ 相信都好擔心~
但我睇得出你好錫你細佬~ 如果唔係都唔會上黎幫佢問 :)

如果你想詳細d傾下~ 都歡迎你再add我msn/fb: [email protected]

補充一句，以上內容只係經驗分享，並非法律意見。建議如果你有需要盡早尋求專業法律服務，例如委托私家律師或上庭當日申請當值律師服務 (可到應訊之裁判法院法庭聯絡處申請) (http://www.dutylawyer.org.hk)

連16都未到, 算是少年犯吧, 不過因為已經有一次警司警戒的紀錄, 所以....應該要留案底+入男童院or喜靈洲

下~十五歲有監坐架咩?

高院上訴庭在2008年就藏有或販運 K 仔定出新罰則：
1) 1克以下判刑由法官決定；
2.) 1-10克 2-4年監
3.) 10-50克 4-6年監；
4.) 50-300克 6-9年監；
5.) 300-600克 9-12年監；
6.) 600-1000克 12-14年監；7.) 1000克以上 判監14年以上。

藏毒是刑事罪行，一經定罪便會留案底；犯人可以做的是表現要誠懇和有悔意，如法官覺得你有悔意認罪，會減輕1/3 刑期的。