其實美軍有無一些弱點及為人垢病的陋習?

施丹既問題非常好，美軍當然有弱點，問題係美軍既弱點雖然明顯，但難以利用，呢個先至係最大問題。

美軍既弱點十分明顯，就係打仗太正規，時刻都想將戰爭化約為大規模工業化生產程序。美國本身係一定要使用呢個模式作戰，因為大規模工業化生產係美國既專長。不幸既係，打仗並非工業化生產，而係鬥智鬥力既生死相搏，只要有任何國家識得避重就輕，不與美軍正面交鋒，而且打全方位既持久游擊戰，美國長此下去必會被拖垮。韓戰及越戰美軍都係吃類似既虧。

問題係，要避重就輕同美軍打持久游擊戰， 嗰個國家本身要承受美軍異乎尋常既巨型軍隊攻擊，美軍未冧檔你已經要承受百萬人傷亡。當然美軍最終都會因為戰爭效率不彰而被迫撤退，但與之作戰既國家都有排先可以翻身。


2011-12-20 22:44:22 補充：
施丹兄所言甚是。美軍每件武器都係無上貴價貨，用佢地既term就係“鍍金的武器”。美軍既武器雖然貴，但一般都幾有用，最好既會係獨步天下既神兵利器，如果戰爭環境對美軍有利，美軍幾乎無敵。問題係美國既武器幾好用都好，太高既單價令美軍無法承受即使睇起來唔係咁大既損失，包括軍人在內。坦白講，如果唔係因為一個美國大兵既裝備太高，我唔相信美軍真係咁重視人命。與蘇聯係阿富汗既情況差不多，只要戰爭曠日持久，漸高既戰損率及龐大既戰爭開銷會就會令美軍無以為繼，然後結束戰爭。