依篇文應該點作呢？

解題:人係群體生活嘅動物,日常會接觸父母+其他家人,甚至家傭,老師,同學參加課外活動/比賽,又會遇到外校嘅人,長大工作,又要面對同事,上司,下屬.人與人嘅關係叫人際關係,咁青少年接觸最老係老師(包括補習老師),家人,朋友,但見得多,可能就出現拗撬,令自己/人開心,就係理想人際關係,相反就唔係.
例(語例+設例--反證):孔子話君子之交淡如水,即係大家相處得和諧,平淡,唔會因為利益而嘈(君子和而不同,小人同而不和).即使唔同意見.都會理性溝通
有個故事講個細路女成日唔開心,嬲咗佢朋友,爸爸教佢,一唔開心就打釘入牆,咁佢照做,好快就冇唔開心,但全牆都釘滿哂,咁佢問爸爸點算,爸爸又教佢,咁不如你原諒咗個朋友,就掹返釘出嚟,咁佢原諒咗佢嘅朋友,好快張牆都冇乜釘,但都重係好多窿,咁佢爸爸話係呀,釘係傷痕,=你對自己/朋友嘅傷害,咁後來原諒咗,但牆都係有釘嘅痕跡,原諒咗都係傷人際關係.
建議:咁所以對長輩要有禮貌,要肯主動同朋友溝通,笑多d,多d喺人角度諗問題,問咗人介唔介意先走,主動幫人
技巧:都係由淺入深,層層遞進,成件事越詳細講越好,但因為怕悶,可以講故事,設例,畀成語...
頭先係正面,咁反面:冇好嘅人際關係,你會覺得上堂好慘,比如要分組做功課,冇人同你做,你做啱人地藐,你做錯人地拍手,你慢慢會咩都唔想做,雖然讀書唔係為求分數/識朋友,但識到朋友,成績好都係進步推動力,所以如果成績唔好,對於反叛期,擺朋友第1位嘅青少年,係好致命打擊.
你再就住個題目嘅重點++--就ok