第一部 DSLR 買邊部好?

你好，其實我都係一個新仔，幾個月前買左600D。

最初買佢唔係因為60D貴，係因為覺得600D 已經好夠用。

600D 其實有好多Function ，已經足夠玩好耐，60D 有好多野都要自己較，比較唔啱新手用。

我而家一路睇書一路自學影相，亦覺得600D 好夠，影D 相都好靚~

同埋600D 有CA 模式，方便曬攪攪新意思既影相者。

如果好快就學識曬想轉大機，亦都可以Trade-In~ 都唔差幾多~

你上下D 討論區望望，雖然好多人攞60D 影，但係如果你睇到有人用600D，影出黎絕對唔比60D差~

最深刻既係本影相入門書話，影得好唔好睇唔係睇部相機，而係睇個攝影者本身，即係係一部功能唔齊全既傻瓜機，只要配上一個專業既Photographer，佢攞既角度，光暗，影出黎既相絕對唔比最貴既相機差。

影相要靠技術同經驗，自問新仔既你，唔需要咁急買60D，慢慢長路~

技術用600D 慢慢練習都可以~

等第時再買專業相機~

至於去唔去大鋪，睇下你對小鋪幾有信心，果陣我都係去大鋪買，雖然貴左幾百，但係起碼有信心壞左都唔洗咁麻煩，我仲加左$800 幫相機同鏡頭加保。

反正用幾年，貴幾百都無咩所謂丫~

只係小弟個人意見~

作為女仔，你不怕部相機重及大，這是個樂觀之想法。當你經常要拿著1 kg相機周圍拍攝，就算是大隻佬都不容易應付。
另外我想指出你d錯誤想法(以我幾年之拍攝經驗)；現在之數碼相機，新款相機必定是功能更強，價錢不提升，變成更抵用之產品。一般數碼相機約使用3年(不像以前之機械相機可用上10年)；原因很容易理解，電池壽命約3年，當你四處找替換電池時，倒不如直接升級買更強力之產品(原因你能駕馭更強力之型號，亦可使用到其功能)。所以數碼相機之2手價並不高；唯鏡頭才較保值，使用時間亦較長，所以大多dslr攝影師都會投資於鏡頭之上。
所謂中階機與入門級之分別，是中階機具更快之CPU及鎂金屬機身(入門級必為塑膠機身，所以比較輕)，通常具防水滴功能、連拍及對焦都會更快、更準確(手動是無分別的)。作為新手，是連拍一秒3張與一秒10張之分別。兩者相差三千元以上，如果你不是使用於極端環境須要，入門dslr相機實在是較超值抵用。而新手更應考慮價錢，機身應愈平愈適合；預留較多預算在鏡頭及其他輔助配件上。
如果你一定要選canon牌子，則建議你選600d(這是最接近中階之入門級相機)；因其入門級1100d實在太不像樣。nikon則應選d3100(功能都很齊全，而且有教學功能)，四千元機身，六千預算可購買鏡頭及配件。sony可選a35，功能及價錢與d3100差不多，但其高清影片拍攝能力算幾好，甚至勝過600d及d5100之高清影片拍攝。
購買時當然最好到大間連鎖商品較有保證，而且很多時有5%折扣或禮品附送，可慳回幾百元。但去原廠show room購買，雖冇折扣，但所送之記憶卡及禮品都是原廠出品，通常合身份及運作配合表現較好。

本人影相三年多...正在用 Sony DSLR a900，本人試過600D，成像相當滿意，但這機屬入門級單反，不久你的技術進步後，功能不能滿足需要。若可以的建議Canon 7D等同級的DSLR( 如Nikon D7000、Sony a77 )，這可避免短期內換機。至於鏡頭建議先配支24-70mm or 50mm定焦。最後應該走多幾間如萬/永成、百老匯、豐澤等，價錢可相差$500以上。