移民去馬來西亞住手續如何?(急急急*1000!!!!!!)

除咗啲落後國家之外， 所有國家都唔會俾人隨便移民去住嘅 。
如果你想移民去邊個國家， 嗰個國家會首先睇下你去到對佢地有咩用。對佢地個國家有咩好處。
如果你係專門人才 ， 好似得過諾貝爾獎，
或者你會做嘅工作係佢地全國都無乜人識做嘅 ， 仲要有人請你去做，
或者你同佢地嘅國民結婚，
咁樣就唔使好多錢都有條件移民 。
如果你上面的條件都無， 就只可以在該國投資 ， 所以人人都話要好多錢， 因為個個想移民嘅人都無高學歷， 亦無專門技術， 個個國家啲工作都要先俾自己嘅公民做 ， 唔會俾外國人做。

馬來西亞政府有一個計劃， 你只要在馬來西亞金融機構存有定期存款 馬幣十五萬元， 即係港幣三十七萬元 ， 同埋每月 有馬幣七千元， 港幣一萬七千元嘅薪金 就可以在馬來西亞住十年，（無講話俾工作你做），你可以帶埋妻子兒女同工人去， 十年以後， 就可以申請移民， 再睇下政府批唔批准你。

你都講得啱， 除咗要有份萬七元嘅薪金， 有錢存在馬來西亞之外， 仲要俾 搞手續既錢，
你有興趣就睇下下面個網啦
http://www.promotemalaysia.com.tw/about_11.htm
http://www.dierjiayuan.com/

2011-12-17 09:01:06 補充：
馬來西亞沒有【親屬移民】的種類， 就算有【親屬移民】的國家， 例如美國， 都係兒女申請父母比較快， 父母申請未婚子女要等七年， 兄弟姊妹申請你， 要等十一年。

2011-12-20 08:18:53 補充：
香港人不能移民馬來西亞不應感到失望， 香港比馬來西亞好。

2012-01-17 02:09:06 補充：
香港人持有香港特區護照可以免簽證入境馬來西亞並停留一個月， 如果要長時間停留就要有足夠理由申請簽證， 到時由入境官員決定你可以停留幾耐， 如果你免簽證入境， 你只可以停留一個月就要離開（當然唔可以停五年）， 第個月再去過。
http://www.gov.hk/tc/residents/immigration/traveldoc/hksarpassport/visafreeaccess.htm

唔知你想換邊個國籍。 總之凡係外國人要進入某一個國家， 除咗免簽證的停留時間內， 要長時間停留都需要申請簽證如工作簽證， 學生簽證。