請介紹好吃的魚皮餃

四海魚皮餃好食,不過好貴
要$15-6先有12粒

我都係食四個海,呢度唔可以問版子,你害人答你=賣廣告,畀人舉報就死,佢真心答你,我唔會舉報,但難保其他人唔會,永遠係問個人衰,都舉報答嗰個.請自重!

其實我先前食開既魚餃 都係在一間叫新樂園既粉麵檔買既，
28文一打，不時幫親！
點知隔無兩日去買，竟然要收我36文一打，
我覺得幾日之間，一打漲左成八文，分明搶傘！
嬲得滯 咪決定以後唔再幫襯佢間野，再另外搵食囉！
我就唔信，『沒了張屠夫 就真的要吃連毛豬』>︵< ！

丸子:我以前常到旺角花園街,弼街嘅小食麪檔食魚皮餃(蒸),無記錯係4粒魚皮餃+1粒燒賣,6元1串,一定要加辣汁至正.至於買返屋企食我就覺得好食嘅野都係講緊新唔新鮮,有d雲吞麪檔會有得賣,應該好食過超市冰箱果d.就好似荃灣有間賣粉麪(唔係現食麪檔,係賣麪餅,生米河粉)嘅鋪頭,放工時間經常有人排隊買水餃(尤其天冷),我見佢地都係現賣現包,可能係生意好包唔切,早兩個月我買鮮肉湯圓都等左3,4個字(現場包,甜嘅可能會有包好).