衰仔紙 (不供養父母證明書)

你同個仔住埋一起就無資格要個仔簽無力供養父親證明書了，就算你迫到個仔肯簽都無效，除非你係獨居啦！你哋住埋一起福利署就唔會承認你兒子無照顧到你的生活。

綜援是以家庭作單位計算的，你從來都無領過自己一個人的綜援金，又怎能說個仔搵到工會影響你果份綜援呢！低收入家庭仍會有一定援助金額。
你個仔得廿幾歲，搵份工做自力更生好正常。

你都係五十幾歲，有排都未夠資格攞長者生活津貼，係殘疾人士就快d去申請傷殘生活津貼，如果唔係殘疾人士就快d搵翻份工做，派傳單、送外賣最少都有28蚊個鐘收入啦，要依賴個低收入兒子生活就難免無乜錢使。

唔好諗住叫個廿幾歲嘅仔唔好返工等你哋可以攞多d綜援咁無家教，佢仲咁後生你唔鼓勵佢自力更生，佢以後點有機會養妻活兒呀。