返新工, 公司又請人代我位置..

我唸你而家嘅心情應該都幾混亂
首先，剛轉工，都未完全適應新環境，多少仲有啲怯。可能會擔心自己唔知可唔可以完全應付到新工作。
係呢個時候，居然見到果個招聘廣告。瞬間可能會有驚愕、不知所措嘅感覺。甚至擔心自己份工不保，都好正常。

只不過，我唸你唔使咁急住將問題歸去自己身上。
你先返左幾日工，同事都未必好認識你，咁快就反感你的機會都應該好細。
除非你而家呢間公司主動打去舊公司問，如果唔係，舊公司好少會影響到你的新工作。而打去問舊公司呢個步驟，如果真係要做，應該係請你之前已經做左。所以你唔多需要擔心呢方面問題。

但既然你咁擔心，或者可以做多啲野確認，費事自己唸咁多、驚咁多。
比如向有關同事（如POST個廣告嘅同事）打聽下，會唔會有可能係之前登嘅廣告仲未刪走。
甚至直接問上司，都係無咩問題嘅做法。
至於搵定另一份工嘅做法，你可以自己決定，不過剛剛跳槽又轉新工可能又涉及其他風險，你可以自己衡量下。

非常之簡單：

上司不滿你嘅表現，
或者其他同事在老闆處投訴你，
所以公司決定解僱你，但要你留任至交替為止。

您冇咩可以做的了，離職後到就業中心搵過份新工，就係咁了。

當然您可以去詢問上司，但佢都唔一定答到你，就算佢答到您，答案都是模稜兩可的。

這是小弟俾您的回應，希望能夠幫到您。