冷氣工程有限公司會計處理

我朋友間公司係一間冷氣工程有限公司, 只有佢一人, 由於法例更改o左, 佢可以一人身兼董事及股東, 會接A公司o既工程, 再判給另一間公司C (一間無限公司, 都係工程)做, 已經開o左3個月, 但冇講會計人員, 會計記錄未係好清晰, 之前o係yahoo 知識睇過其他人對唔同個案o既解答, 但多為大工程, 雖然我讀過會計, 但唔知工程業務係點, 所以希望找合適o既解答, 我想請問以下o既會計科目名稱, 會計處理, 業務問題:

1. 呢間公司係今年6 月中由上手成立, 上手o既會計帳目做到31/8, 我朋友21/9 先轉名接手公司, 咁即係朋友應該由今年9 月21日開始做帳, 我知道由公司成立起18個月, 會收到報稅表同要做好帳目, 自訂會計年度, 但必須係呢18個月內,

a) 對於稅局, 呢間公司係一路運作緊, 只係董事名轉左, 咁我朋友係咪要同上一手夾下d 帳目去到邊? 定係唔需要理會上一手o既帳目係點, 自己做, 最後淨係交俾佢o既核數師核數?

b) 朋友希望跟報稅年度 - 3 月31日, 佢o既第一年損益表同資產負債表o既年度應該係2011年9 月21日至2012年8月31日? 定係要做足18個月, 12個月o既一份, 6 個月o既一份?

2. 呢間冷氣工程公司之前個董事有幾間公司, 同我朋友熟, 見我朋友又想開呢d 公司, 但又唔多本, 於是就轉o左其中呢間公司俾朋友做, 間公司有10,000股, 每股$1, 股本為$10,000, 搞哂所有轉名手續之後, 就接job, 但朋友想知一開頭個股本點樣記錄, 我話正常新公司成立, 應該係:

Dr. 銀行存款 $10,000
Cr. 股本 $10,000

但係a) 其實係咪應該寫發行股本呢? 但我朋友話又冇點發行, 淨係寫股本得唔得呢?

b) 我朋友21/9 開o左業, 就一路接o左job, 但11月先開到公司銀行戶口, 咁當初開業o既股本 Dr. 董事往來 有問題嗎?


3. 朋友接返o黎o既工程唔係跨年度, 多數為拆/ 換零件, 測試, 保養等, 1,2 日, 或者1,2 禮拜便完成, 有報價單及發票給A公司, C公司亦會有報價單及發票給我朋友, 而我朋友公司就會收當中o既差價, 我想問, 對於工程,

a) 會計科目係咪應該叫工程收入 , 而唔係服務收入? 損益表上, 平時o既銷貨成本變成工程成本, 入面就好似製造成本帳咁, 分直接/ 間接人工; 直接/ 間接材料; 製造費用改成工程費用?

b) 對於外判工程給C公司做, 朋友當係好似A公司判工程俾佢做一樣, 完成工程後, 收到invoice, 一次過付款俾提供服務o既C公司咁? 但我見有d 人o係平台話又要幫判頭報稅, 填張政府o既form, 又要抄低人地o既名同身份證號碼, 再簽名?唔係就當係付款俾供應商o既原理一樣咩?

c) 朋友報價給A公司 $12,000, C公司報價給朋友係 $10,000, 朋友公司賺差價, 會計分錄係點樣?需要用到 佣金收入 呢個科目嗎? Dr. 外判費用, Cr. 應付帳款? 損益表上點樣披露? 放在工程成本下面?

d) 對於A及C公司, 開設應收帳款, 應付帳款外, 還需開設明細表: 應收帳款-A公司, 應付帳款-C公司, 以便給核數師及稅局核對?

4. 朋友到文具店買o左一本現金支出傳票(voucher) 簿, 但記錄唔同帳目, 唔係要買幾本唔同類o既簿嗎? 我亦有幫佢搵d 網上免費試用o既會計軟件, 有一個叫做MemDB o既, 我見入面都有建立傳票o既功能, 但就無需分類, 總之所有帳目順序輸入, 但就冇簽署欄, 可以列印, 但就成個列表印出o黎, 每個分錄中間有虛線, 係咪要逐張撕出o黎, 後面訂上相關文件, 收據, invoice, quotation, 好似一本本o既傳票簿咁做? 邊樣好d - 用傳票簿/ 電腦編印會正式d ?

希望各位可以答得詳細d, 謝謝