算唔算係排斥?

本人現於某間大專學院就讀，
初初黎到覺得無乜野，
但讀讀下開始覺得同我班大部份人唔投契，
而且試過同某同學一組(開始我係同佢熟先)
PRESENT個陣因為份PPT有D不足，
之後俾MISS批評左兩句，
跟住我聽到佢同另外組員細細聲講怕某D人拖累左佢D成績。

自此之後我無左同佢一組兼無再同佢傾計，
(因為每組總會比MISS批評過，
我唔明點解佢係要針對我?)

之後我就埋左另一堆，
但我只係同其中一個女仔熟，
其他人講唔到兩句，
而且早排因為屋企人同朋友既事搞到自己好情緒化，
(我無對住佢地發脾氣，只係我有時靜到唔會點出聲)
跟住又不明不白成班人開始遠離我，
直到呢刻我仍然只同個女仔OK熟

到而家我一直同緊某幾個女仔一組，
又係一開頭都無乜事，但近排分組，
老師話最多可以分五個人，咁岩個堂我無返，
佢地自己圍內分左一組，係後期收到風話無人組我，
搞到我要自己一個人做哂份GROUP PROJECT

我問過佢地，佢地話我成日唔返學，又唔參與佢地既活動，
但查實佢地好鐘意買化妝品個D野，我又無乜興趣，
另外圍內都有個女仔成日都唔返學，我唔明點解佢地只係話我?
可能因為過個女仔同佢地有相同既嗜好掛?

其實我成日逃學唔係因為我懶，而係我唔鐘意返學，
我成日返到屋企就匿埋喊，
對比起我小學，中學，我一定會日日返學

仲有我以前小學中學都識到好多同學，
中學仲差唔多識哂全級既同學，
所以總係慶幸自己既人緣好好，
但自從黎到呢間大專，我一日唔開心過一日

我真係唔知以後分組點算好?
有時候我有諗過退學，因為我班本身都有人頂唔順唔讀，
但為左個班人，我覺得咁做好唔值得

有冇人可以俾個解決既方法我?拜託...