女朋友今年考AL、同學向佢施壓，點樣做先係最好…

女朋友今年考高考，我哋亦開始咗二個月，一直都未公開，只係近排佢將我介紹咗俾佢最親嘅朋友。
一星期前女朋友因為要同我喺返學前一齊去食早餐，用籍口推咗女同學話嗰朝唔一齊返學。點知嗰日食完早餐返學嗰段路，俾佢喺後面見倒我哋，返到學校向我女朋友興師問罪，一說為何拍拖不跟她們說（前題朋友們拍拖有告訴她…），二說高考唔應該拍拖。此點直刺進女朋友心中的那一句，這個問題由決定拍拖的那一刻已有某程度上共識，所以一直過得很幸福，但是這句話剎時把她完全動搖。她早前已經表明不分手，我亦道明再受不起分手的結局。因為這次是我們的復合，之前分了手六年。今次這件事令我非常緊張，六年前分手是大家還小，不懂何是愛情，凡事基本上是以自己為先。最終大家互相製造的壓力使無法再走在一來。
今次復合，大家都想是認定對方。她跟我道出身邊朋友說了些這樣的話，自己感到好煩，唔想拍拖… 最終我跟她說我不再找她，不想因為我令她受些我無法與她一起分擔的壓力之餘，考不好高考。不是到了她再不愛我的時候，不要說分手。只是希望過了五月一切會變好。她白紙黑字道明不說。
當然，我們約了本星期外出（我約她去拍照，她本想去尖咀，但我拒絕了，因為我擔心愈見得耐，我會愈唔捨得… 加上我想佢多啲時間溫書，唔想佢太分心，我嗰晚又應承咗fd返band…），我不知道這次是否直到五月考畢高考前最後一次見面，因為這幾天尚有短訊往來。但已較少了…
今個星期出完去之後，我應該點做好？？ 我好怕搵佢佢會覺得煩，攞唔到中庸之道。因為佢係嗰啲對壓力好sensitive嘅女仔，所以我好驚唔覺意又踩中佢；但我又怕呢五個月唔搵對方，感情會慢慢變淡…… 大前題係我可以忍到唔點搵佢，我最怕係佢會唔搵我，有事都唔講… PS: 我哋都係喺二月情人節之後幾日生日… 雖然十一月頭已經共識咗今年生日啊情人節啊，甚至聖誕都唔慶祝…
有冇人可以俾倒啲有建設性嘅意見，我點樣做先比較好…？？好坦白講，當年係佢講分手，佢自己都知道當年對我係好差，所以我一開始對呢段感情係無咩信心，後期佢不停地做一啲嘢等我知道宜家眼前一切都係真。所以我以後都唔想再失去佢！！！佢有不停俾信心我，但有時我對講嘅一啲嘢真係會諗多，俾佢嚇一嚇。
大家可唔可以俾啲意見小弟…