我今年四十歲,做左文員十幾年,自公司清盤後一直失業.試過搞生意仔,又做過客服員,其實一直都想搵番文職工,可惜自38以後,見工既機會少左好多加上學歷只得中五.更加難再入行.似乎而家就算我有成十年物業管理文職經驗都係枉然,我無大學畢業,亦年紀唔細....所以,信出左去都無回頭,有人話,年紀大又無學歷始終唔夠後生仔爭,建議我學番樣野轉做藍領係最穩陣既長遠計,就算比我再入番物管文職做,始終都唔係長遠計,最多比我多做幾年.而且而家文員既人工根本可以話仲衰過做保安員,連基本生活都係崩崩緊.寧願我學番門手藝做d其他行業,仲有保障d咁話.
我都覺得好似有d道理,於是去報左酒店房務課程等緊開課,但有時又咁啱見到勞工處有d物管既文職工啱自己,我都唔知應唔應該再入信去申請,個心心大心細,兩頭唔到岸,都唔知應該點取捨先好
有無人可以比d意見我,我應該點做呀 ?
我應該兩邊相管齊下,還是應該疊埋心水去上堂就算呢 ?我真係唔識唸....究竟我係咪真係應該放棄唔再做文職呢 ?
我無咩親人可以依靠,所以我...好多野都好無安全感...希望唸長遠d.
旁觀者幾時都清,有無人可以幫我分析下,比d意見我呀 ?唔該
唔知而家心態應該點 ?
2011-12-08 3:26 am
回答 (4)
2011-12-11 9:19 pm
✔ 最佳答案
你可以讀港專課程 :有 100個課程比你 chose ( 系免費 )
酒店 / 保安 / 電腦 / 中醫咩都有得讀
合格有證書羅
做文職 ?
吾一 定岩你 ,
你可以有更好發展 / 試下同吾行業
話吾定你會做得比文職更開心
如 : 可以社會福利 : 帶活動
幫下 d 老人 / 智障 人士
2) 勞工處中年就業計劃
我無咩親人可以依靠 :
吾需要依靠 人 ,
你都 40 歲 好多野可以靠自己
更可以幫到人 ! ( 你要對自己有信心 )
2011-12-12 6:55 pm
您好?
我同你嘅背景都好相似，都是做文職的，唯一唔同的是，本人是三十多歲，是做營造工程的。
您所提到嘅問題其實好易解決，除了去報讀再培訓的課程外，您還可以去職業發展服務處尋求幫助，佢吔有一個服務叫做職涯規劃，您失業冇嘢做係唔駛錢的，我建議您去試下，到時有可能會知道自己的發展方向都未定的。
至於您講到冇安全感，除了搵社會福利署或一些非牟利嘅福利機構外，我諗都冇其他可以幫到您的了。
最後，希望小弟的建議能夠幫到您。
2011-12-10 6:51 am
其實講真, 你年紀吾係細, 如果你再擺d時間落讀書果到, 吾係吾得, 但係出面d老細有得揀就根係揀d後生d,學歷高d架啦
你靠的是經驗, 我覺得你應該半工讀, 如果吾係就會手停口停
你可以搵住份文職做住先, 夜晚就去上堂
辛苦一排半工讀, 遲d更有機會可以係酒店業發展
你靠的是經驗, 我覺得你應該半工讀, 如果吾係就會手停口停
你可以搵住份文職做住先, 夜晚就去上堂
辛苦一排半工讀, 遲d更有機會可以係酒店業發展
2011-12-09 8:20 pm
如果暫時生活無問題, 最好先學一門技能, 如果生活唔許可, 只好日間做嘢, 夜晚去進修, 今時今日, 以中五生離講, 做一份普通文職工作, 人工唔高, 唔長遠, 我唔知點解你咁希望做文職, 行行出狀元, 工作無分貴賤, 唔好咁介意!
收錄日期: 2021-04-23 23:39:12
原文連結 [永久失效]:
https://hk.answers.yahoo.com/question/index?qid=20111207000051KK00686