弄薑醋的方法 (坐月吃) ?

圖片參考：http://www.howmama.com.tw/Smileys/default/6.gif
煮豬腳薑醋的方法材料： (12人份量)豬手或豬腳---2隻 （買肥大嫩滑有光澤嘅，每隻豬手/腳斬成6件）
生薑---5斤（買大肉薑，大肉薑都係老薑，不過冇老薑咁鬼辣）
雞蛋---12隻（烚熟去殼）（浸鹹蛋係好味，但對剛生完嘅媽媽（鴨蛋）就不宜食）
甜醋（八珍甜醋）---10斤（約4.8Liter左右）
黑糯米醋---1斤（十斤甜醋就加一支黑糯米醋）
幼鹽---1 tablespoon做法：產前一個月先做呢部份:1.將生薑去皮後沖洗乾淨，抹乾，將薑放於通風處風乾或者放於太陽下面曬乾（約幾個鐘左右），然後將生薑用刀拍扁，白鑊炒至乾身後才落油及鹽（要落鹽先可以帶出薑嘅味）2.預先將甜醋及生薑放入瓦煲內煮滾，及後最少要浸一個星期，先可以開始正式煲豬腳薑，但如四個星期前已整好呢一Part，就每隔一星期煲滾一次，以免細箘及霉箘滋生臨生前2日：3.豬腳出水時，一定要豬腳同水一齊放落煲，加適量嘅鹽（會另豬腳浸起嚟更好味），用大火煮15mins後，改用細火煮60mins(切記唔可以貪快將豬腳放入已預熱嘅滾水中煮），之後要飛水及沖洗乾淨，以辟走豬操味。4. 將豬腳放入已預備好的薑醋中煮滾，及後加入已烚熟去殼雞蛋翻滾，再浸三日就大公告成！提提你：1.)雞蛋不宜浸太長時間，因為會變得好硬唔好食架 (但係越硬嘅蛋就越補，煲耐咗嘅蛋留俾自己補身食)2.)生左BB之後, 12日後可以派薑醋..... 通常12日後可以食，因為啲惡露通常已經清晒，但惡露未清就最好唔好食，會令惡露增加（薑醋好補架）3.)買生薑(=大肉薑) 煲就最好，大肉薑都係老薑，不過冇老薑咁鬼辣....4.)其實我媽咪呢撐薑醋係有落鹹蛋架，媽咪就捉我要食埋啲蛋～ 不過係食雞蛋，啲鹹蛋我唔食得（最後俾我啲屋企人食晒）.....浸鹹蛋係好味，但對剛生完嘅媽媽（鴨蛋）就不宜食，原因就唔清楚，啲老人家係咁講過5.)如食到咁上下，想中途添多啲，其實冇限咩時候, 你隨時可以加豬手，蛋，甜醋同黑糯米醋，加完都係煮滾擺3日，你可以食啲舊嘅，新嘅唔好食住（新舊同一煲，你好易分得到架）至於加甜醋/黑糯米醋加幾多，其實隨意得喇，不過記得份量都係甜醋多，黑糯米醋少～6.)坐月可以食以下食物補身：
薑蛋炒飯，薑醋，火合蛋，薑醋撈飯，煲雞飯（紅棗，杞子，薑，雞，飯）雞酒（米酒，荷包蛋，雞胸肉，木耳，薑，水）雞酒可照食，但食完果餐唔好餵人奶，將啲奶泵出嚟都唔好要，等下一餐就可以再餵返人奶，明白未？ 雞燉鮮奶 （雞，薑，鮮奶）木瓜煲魚尾（谷奶），淮山杞子燉烏雞，花生雞腳紅棗木瓜魚尾湯（谷奶），木瓜南北杏燉雪耳（滋潤），花膠煲雞湯，北旗黨參煲雞湯，呢啲都係我媽咪整俾我食嘅補品～7.)除咗洗手同洗面冇辦法之外，最好盡量唔好掂生水同吹生風（即係出街吹風），因為我哋生完，啲毛孔擴大，會好易冷親同埋會第日有風濕，記得唔好用生水洗頭，會有頭風，將來頭痛到你叫救命～8.)沖涼洗頭要用煲滾嘅薑水歎暖嚟沖9.)口渴時飲暖水或飲暖奶 (補鈣質)http://missjubie.mysinablog.com/index.php?op=ViewArticle&articleId=1784470

私房薑醋 【豬腳蛋薑醋、素薑醋】
(首創分部製作+分體保鮮)
阿華真薑醋 致意
www.facebook.com/12thdayginger

● 濕泥薑、新鮮豬腳仔、大白蛋、同珍醋
● 薑爽甜入色、豬腳酸甜香腍軟滑、足味蛋
● 分部製作樣樣精、新甜醋底走豬油、分體保鮮不愁食用期
● 黃焯華 marvin，私房薑醋，香港
阿華真薑醋 致意
http://gingermarvin.blogspot.hk/2014/10/blog-post.html

豆豆1007 :

真係好多謝你的回答, 真係好詳細!
你之後講既生完一些的避忌, 我真感同身受,
因為我已經唔係第一胎啦, 今次坐月我一定要學乖乖,
唔好立亂吹風同用凍水洗手, 寧願飲暖水都唔好飲清水等等..
自從生過小朋友後, 發現自己好鍾意食薑醋,
所以都想學下點整.

好多謝你的詳盡資料!

2012-01-18 19:36:27 補充：
http://www.youtube.com/watch?v=OdF5sFZbBdk&feature=endscreen&NR=1