冇錢令人自卑

如果父母比較偏激又固執,做仔女都好難開口勸佢,因為你現在仍然靠父母供養,阿爸又點會肯聽你講呢?
如果你同媽媽成日同佢針鋒相對,話佢呢樣唔啱,果樣唔啱,睇醫生又話佢,用電腦又話佢,坐得唔好又話佢,咁佢就一定惱羞成怒講粗口罵你地了!

你希望幫爸爸改善d不良習慣,首先要做到佢信任你,覺得你真係為佢著想為佢好,而唔係為左你想唱衰佢!
因為性格固執的爸爸始終都唔肯在仔女面前承認自己有做錯的,所以你唔好在媽媽面前彈佢,或者講佢呢樣唔好果樣唔好,你應該多d關心佢,問佢覺得身體有乜野唔妥,點解時時要睇醫生?
同時好聲好氣咁勸佢唔好食咁多煙,煙癮一時都好難話戒就戒,食少d身體點都健康d吖!

通常做爸爸的都係受軟唔受硬,如果覺得仔女時時關懷自己,時刻都有留意自己的健康,自然老懷安慰,就會接受你的勸導或者提議啦!
最重要係你要做到大家關係好d,大家自然可以有商有量啦,只要佢肯聽你地講,就有希望慢慢可以改善佢d不良生活習慣了!

我明白有時候呢D事係會令人唔開心既
但係我覺得你又唔洗自卑既
只係你點睇自己姐
係一個唔太開心既家庭長大都可以有一個開心既人生已經係唔簡單既事我見你好似都幾關心家人喎
呢個已經係一個改變既好開始!
要keep住呀 :)我係小童群益會夜貓online既義工呀
希望可以幫你:)Add msn/fb 傾下睇下幫唔幫到你 :)
[email protected]

你今年幾多歲呢?識得甘諗其實你都應該唔細~
如果係到左可以工作既年齡,
甘你可以靠自己雙手去解決呢個問題!
我身邊既人都係窮人,所以我無呢種朋輩壓力,
我地圍內人想要既野,都係靠自己雙手爭取番黎,
由可以工作既年齡開始!~
其實你唔需要同人比較~你可以老實講你既環境出黎~
因為家庭唔係你自己可以決定!即使你家庭背景比佢地差又點?
重要既係你自己係點,真正既朋友係絕對唔會因為呢D野而取笑你!
如果你唔中意依家呢個環境,
你應該係改變自己~而唔係諗改變人地~
首先你都係充實自己~做好本份先啦
慢慢~隨住你既改變~你身邊既人都會改變!
就算未到工作年齡~呢個世界搵錢方法大把~(當然唔係指犯法果D啦)
有D工直情唔洗夠歲數都有得做~例如配角~網上拍賣等等~
想改變生活~自己都要做下功夫~搜集下資料架嘛~^_^
手機一部都好平姐~幾百蚑都有~如果你唔係想要令型號~
(我有FD依家都仲用緊無得影相既機~SO WHAT?最緊要自己開心)
同埋對屋企人~鬧無用既~只會令佢地覺得尊嚴受損~變本加厲TIM~
你反而做好自己~考順佢地~佢地心情好左~大家溝通都易D啦~^_^
其實我講既野~睇上去易~做起上黎都好難架~
你慢慢一步一步黎啦~!加油呀~!!

只不過是價值觀問題
It's OK!!

一切只不過是價值觀問題。

要是你身邊的人跟你一樣,
我相信你根本不會自卑。
你是對於自己信心不足,
怕自己家底不足被人取笑。

要幫到你父親,唯有對他弱點下手。
要是他還重視你和你母親,
就只好以離家出走作「求情」。
雖說是下三濫,但也唯有用此計。