好麻煩既暗戀問題...

而家我面臨緊兩個情況......情況一:有一個女仔,佢中四同而家都係同我同班,我同佢一直都冇乜兩句,稱唔上係朋友,上年亦都唔見佢有D乜野異常,但係最近上堂既時候成日都見到佢望住我(同朋友玩果陣時都成日專登望住我),我望番佢佢又即刻縮,又好似唔係幾夠膽同我講野(同其他男仔好正常)哩個情況已經持續左成個月,起初我都冇乜點留意佢,但係久而久之都有D留意佢(做到咁誇冇可能唔留意- -'),而家好似仲有少少鍾意左佢tim......




問題一:佢到底係唔係真係鍾意左我?
問題二:我係唔係鍾意左佢?(定係出於其他因素先唔敢望住佢?)
問題三:我應唔應該同佢做下朋友,了解佢多D?


情況二:我一直都暗戀隔離班既一個女仔,本來係因為朋友既關係識佢既,之後唔知點解,突然間就鍾意左佢,覺得好想保護佢,個心成日諗住佢,見到身形同髮型相近既人就會以為係佢而搞到自己好緊張,而且好想了解多D佢既野,但係又唔敢同佢講野,更加唔夠膽同人提起佢(雖然成日見到佢,但係到而家我同佢一句野都冇講過
圖片參考：http://www.say.cc/images/smilies/QQ2007/0036.gif
)。
我本來唔想佢知道我暗戀佢,見到佢果陣時都可以扮冇野(但係個心入面好緊張),但係9月陸運會果日佢係地下準備拎獎既時候突然望過黎看台(我果個位),咁岩我亦都望住佢,果陣時我即刻縮,再望番過去我見到佢望住o左嘴
圖片參考：http://www.say.cc/images/smilies/QQ2007/0036.gif
之後係成個領獎過程入面佢全程望住我,搞到我完全唔敢望佢
自此以後,我就真係完全扮唔到冇野,佢一望過黎我就即縮。
陸運會完左之後果幾日,我同佢係操場到集隊,因為集隊時間未到,所以我地兩個都好似孤魂野鬼咁走黎走去,點知突然間互相見到對方,之後我地兩個都即刻另"咩"面,並且即刻係隔離行兩步(同時間,而且我行左三步=_='),跟住我地又即刻互望又互縮,行第二條路。(我咁樣做既原因完全係因為鍾意佢所以怕醜,但係唔知佢係乜野原因)
跟住果日我地又係課室門口見到,又一齊"另咩面",之後我每次每入佢課室,佢都會即刻望住我(但係我通常即縮)
原本我覺得佢應該都係鍾意我,但係跟住又有一次食完飯返學校果陣,又比我見到佢(佢前我後),佢見到我之後係咁望過黎,見我望住佢就即刻另轉面,攞把梳出黎係咁梳頭,跟住又望番過黎,見到我住佢,佢又另轉面,又梳,哩個動作重覆左4-5次,直到返到學校門口-_-'雖然話就話"女為悅己者容",但係我覺得有D怪,到底佢咁做係因為鍾意我,定係享受比人暗戀果種感覺而故意整靚自己?



問題一:佢到底係唔係真係鍾意左我?
問題二:我應唔應該主動要求認識佢?
問題三:之前我鍾意佢個好朋友,之後被拒絕,有冇可能係佢個好朋友叫佢玩我佢先故意做到好似鍾意我咁?

問題四:佢有會唔會只係因為享受比我暗戀既感覺而做出上述事情?
問題五:而家咁既情況,假如情況一果個暗戀我既女仔向我表白,我應唔應該接受?

因為我打果陣時個心好亂,所以文句可能唔通,敬請見諒,亦都好多謝各位觀看!如果能夠解答我問題既人亦都希望你地可以不吝賜教,不勝感激!