好想同巨蟹男復合,大家幫幫忙=[

我同佢分手都差唔多一個半月,一齊4個月,part time同事,而家無做
個陣佢話分手,我唔想,都糾纏左兩個星期,但一直佢facebook都無del個交往,但又唔肯一齊番...
電話唔聽,sms唔覆...
我知佢係想迫我自己del,最後我自己del左...

旁觀者覺得佢一直做既野一時一樣,一時懶偉大,一時就做衰仔,一時又想做好人咁,好矛盾...
佢覺得係我自己覺得同佢有希望,但又話如果同番我一齊既話,我身邊人會點睇佢...因為之前係facebook度嘈到個個都知...
佢上個星期sms同我講大家以後無灣轉,仲block埋我facebook...
一直佢都唔聽我電話,但sms會睇,幾長都會睇哂,咁係咪叫仲在意我講咩?因為佢係好怕煩既人...

前日傾完電話又解番個block,做番朋友,話而家面對左個問題,一個星期就可以面對??
佢話當初係想令我憎佢,但而家又無啦啦同我解釋咁對我係想我放低佢...咁點解唔俾我誤會落去??
佢話當初話分手係覺得佢俾唔到d咩我,覺得我同佢一齊唔開心係因為佢...
前一日又話而家咁幾好,話咁急一齊做咩,唔想咁兒戲,唔想咁快一齊又有好多問題走出黎...
後一日就話我何必強求,佢同我講"如果我而家無左之前種感覺.試問點可以同你一齊"...
佢又唔會親口同我講無感覺既野,只會sms話無感覺,就算我問佢都唔想答,只會答無...
佢覺得我身邊好多選擇,好多人好過佢,無安全感...
佢問我點解一定要俾機會我,點解咩都係佢問題,點解我要迫佢=[
我話係佢自己認為係咁,無同我溝通過,咁溝通就可以解決問題,佢又話係...
但佢又唔想一齊,咁點算?

我好肯定我地之間無第三者,因為佢真係無咩女性朋友...
加上佢成日係屋企,好少出街,同朋友食飯多數都係佢介紹俾我識個班...
佢都想我憎佢又點解要同我解釋番...
我真係好中意佢,好想同佢一齊...
佢係咪需要少少時間?定係佢想件事淡d先...
我應該點令佢有番之前種感覺?因為當初係番工識,sms了解既,番工就好少講野,佢都係突然之間同我表白,完全無先兆既...
佢係咪真係無感覺?但佢又咁在意我講既野...
但點解佢又唔肯一齊?佢都話當初係覺得我同佢一齊唔開心先話分手...
可以咁短時間就無感覺?
幫幫我>.<