PSP3000機改機問題.

PSP 3000 係上年6月左右因為比人發現到係Firmware 版本5.03存在一個安全漏洞而遭到破解. 而呢個漏洞眾所周知就係由一個總係問題多多既TIFF圖像格式而引起既. 而結果呢個漏洞令到PSP可以運行任何指令. 就即係話以往玩家自制既軟件可以係番PSP 3000上面運行,從而達至玩家既自制系統(CFW)可以裝載到PSP 3000裡面.

之不過. 你要明白 半破解 同 完全破解既分別. 而呢兩樣野同樣係1000,2000機非v3 對比 2000v3 & 3000 機 既分別. 而3000機停留左係半破解上面. 而呢個同樣係一個3000機為何只能在5.03版本破解既原因. 因為3000機本身唔係完全破解, 講多句唔好聽既,係TIFF呢個BUG發現之前破解進度幾乎係完全無進展,陷入一片絕望既邊緣. 所以總結黎講, 3000機同舊機型唔同,佢只能夠用BUG呢個方式去侵入並加載系統,但係並唔能夠改寫整個系統.因為改左做CFW根本就過唔到部機認証果關而會開唔到機. 所以3000會因為死機.冇電 而要重新刷過個系統... 至於待機同熄機方面. 其實分別唔大. 除非話經常死機...如果唔係刷機呢個步驟唔會重複好多次.

既然上面我己經提到左3000係改到機.咁你問玩唔玩到ISO/CSO/UMD 就當然冇問題喇.

至於你問到既ISO係咩野黎. 我唔係專業.所以只可以同你簡單介紹一下.你可以理解ISO為一隻光碟既複製本. 而ISO呢個格式都唔係咩野新產品...因為呢個格式正係由International Organization for Standardization定義出黎既. 其實全世界有好多野都係由呢間野定義出黎...簡單舉個例,一件物品既品質佢有標準...而生產過程佢都有標準...什至乎服務既品質佢都有. 因為你一個咁全球化既產物,所以會有好多人用. 我諗差唔多只要係碟都轉得到做iso...平時上網有搵game應該會認識到...小到CD-大到DVD 藍光都可以做成ISO鏡像. 總括而言佢就係一只碟既COPY黎.而且佢突破實體既界限.方便用在網上流傳.

而CSO就重簡單.你可以理解成Compressed file format for ISO disc images. 就係壓縮過ISO檔. 而佢一般只係應用係PSP上面. 大概係因為玩家經常話張MS唔夠位而產生出黎. 雖然轉左格式真係可以慳番唔少位. 不過隨住壓縮越強,PSP需要花費既讀卡時間就會越長.(換言之,壓縮比越細load game又會快番d...不過只game就冇壓得咁細咁話)細Game你可能唔多覺,但係你落隻GVGNP落去LOAD既話差唔多差左成倍讀卡時間. 咁當然要慳位就要付出代價,就好似電腦咁你zip左舊野到時要用都要花時間unzip番佢一樣.

至於UMD. 全名叫做Universal Media Disc. 聽個名就知勁喇. 不過都係一只碟黎姐, 佢係由SONY特登研發出黎既. 唔好睇佢細細隻碟...都放到1.8GB野落去ga...其實SONY原本點會特登整一只碟就係為左一部手提遊戲機,坊間傳聞SONY會推出唔同產品去迎合呢只碟...例如好似MD咁既Walkman(聽講後黎比mp3機做低左)...睇電影用既播放器(聽講真係有出)...點都好...時勢唔啱就咩都冇用,因為只碟就係唔受落...所以結果得番比PSP用...(都好...psp都有片睇)

聽說改左機玩唔到UMD
我部機就唔得LA

你都傻既...改機呢d一息左機又要改過當然自己改la
話幫你改機既擺明昆你地呢d唔識野既..
一陣唔小心息左機唔識點改番又可以話幫你再改昆多次
5.03先改到?
你消息太out la
幾個月之前已經改到6.35 psp go都改到機
早一排6.39都改到機
同埋而家d機貴左?
我部3000 2年前買 1600 4gb卡 mon貼機繩咩都包哂
可能真係通漲咩都貴la
umd? 冇q用既有卡咩都玩得la