Polyu 同一科retake２次都唔合格，可否再ｔａｋｅ？

香港既大學係行學分制, 合格就得到個科學分, 唔合格就冇分再take過. 又冇話最多 retake 幾多次, 只有最長修讀年期. 例如3年制既課程, 由入學日起計, 可能最多可以用5年讀完 (快d搵本student handbook 睇番你個prog有幾多年). 咁每年開呢科既次數有限 (可能係上下學期各一次), 你都計到你幾時夠鐘, 其實都唔會有好多次比你retake架咋, 特別係高年級既科目, 因為遲開始讀, deadline一樣, 相對可能retake既次數就會少左.

如不合格既係選修科, 建議你下次take另一容易d既選修科, 皆因retake 2 次唔得, 第3次得既機會唔大囉.

如果係必修科, 你就要諗下係咪真係再retake落去. 萬一真係唔樂觀, 另一個選擇係轉專修/ 轉prog, 用現有既學分, 睇下有邊個prog 可以做學分轉移, 轉prog可否拖延最長修讀年期既deadline等等. 可能要讀多d其他科目, 交多一年學費, 總好過因為一科唔合格畢唔到業, 浪費左咁多年既努力吖!

建議你而家就去搵professor傾下, 照計好似你咁既情形既唔只你一個學生, 佢地會知道以前d人係點搞番掂, 搵佢地教下路啦!

2011-11-29 15:10:06 補充：
講漏左: 如果你不合格個科不止係必修科, 仲要係先修科... 作一個例子, 有兩個高年級科目 [專業會計] 和 [會計專題討論] 係需要你先修 [會計入門]至讀得, 而其中 [專業會計]都係必修科, 咁可能未到deadline前一學期, 你 [會計入門]不合格, 即就冇可能係deadline讀得完 [專業會計], 咁就會即時要你quit啦.

另外, 除左一科不合格, 你學期GPA頂唔頂得住? 某個學期低過某個分, 或連續兩/三個學期GPA低過某個分 eg 2.0, 可能要即quit. 即係, 其他科目夠分就可以拖住, 整體成績唔夠好就好難繼續.

你都係快d去department度查詢啦!

請版主撿舉。

詳情可看看我的發問：“ 服裝批發網不停在雅虎知識裡亂答”

希望多些人撿舉，雅虎才可能會做點事。。。