電話轉台合約問題:s

既然你講到死都要轉台咁嚴重, 我就唔會勸你唔好轉啦! 如果要轉台,
你可以有兩個方法:

第一, 如果你要帶電話號碼去 peoples, 首先你一定要同 3 講停咗個台先
得! 但係你仲有幾個月約未完, 所以轉台之前你要即係俾晒剩低嗰幾個月
約嘅錢先得! 你唔肯俾晒嗰啲錢嘅話, 3 係唔會俾你轉台嘅!

第二, 如果你唔駛帶電話號碼去 peoples, 首先你可以即刻去 peoples 開
張新電話卡! 至於 3 嗰張電話卡你可以唔用, 但月費一樣要照俾, 直到張
約完為止!

有一樣嘢要留意, 喺 3 嗰張約完之前 1 個月, 一定要打電話去通知佢哋
張約到期要停咗個台, 如果唔係佢會當你繼續用, 繼續收你錢!

雖然嚟緊呢幾個月你變咗要交兩份電話費, 但既然你咁堅持, 我諗你都
覺得無所謂啦!

希望幫到你

簽左約就有左法律責任，如果你自行毀約，咁就要交晒未完成合約期的台費，否則 3 一定會入稟小額錢債法庭告你的。

2011-11-27 10:57:44 補充：
一句講晒，只要交晒未到期合約的台費，"3" 話知你做乜都得，否則一定告你違約