可以話有,又可以話無.
每當自己好愛好愛一個人個陣,都會有D個諗法出現..
後尼當遇上一個比依家D一個人對自己更好既人出現的話..想法就會改變LU..
又或是當D一個人做左D你無法接受既事個陣 ... 想法都會改變的 .
很抱歉 ... 因為本豬小姐曾經遇上既壞男孩太多...又或是自己曾經太笨...
到後來 今日既我領誤到一個道理...女人可以為最愛付出所有 但係再好既男人都只會為你感動3秒,又或是"你鐘個頭埋尼姐又唔係我逼你"...就係咁..連丁點感動都無既..都大有人在 ._.若果..D個人唔係太壞,仲有D良心的話,而佢又同你表明過話無意思做情侶的話,...理性D去諗下,你等落去, 對你尼講就係浪費光陰,對對方尼講心理上都會做成一定既負擔,會覺得因為自己令一個好女人白白浪費左佢既光陰等等...你為佢咁等,你身邊為你好,愛你珍惜你既人會覺得你傻,眼睇著你受折磨又幫你唔到,因為救到自己既只有自己,其他同你無關係既人,覺得你係白痴,蠢女人既表表者,只覺得自己可以做到咁覺得好偉大既,應該只有自己. 你話可以等佢一世,唔多唔少都肯定會想比個個人睇到你對佢又幾好姐,若果佢視若無睹的話,對你既付出唔比回應你,係咁請問你係"偉大"俾邊個睇呢?
個個人知唔知你等佢呀?唔知的話,我就更加唔明你想表現俾邊個睇LU,又唔佢知,又折磨自己,真係有苦自己知. 佢知道,但又無反應俾你的話,係咁D個人一係就唔知點去拒絕你,一係就係借你尼滿足一種係我地每個人心入面都一定有DD既自卑心態,想自己被肯定,想自己被需要,人際關係方面會變成想證明自己有/仲有未力.係D一方面男士們既心理成分通常會比女士重(情場,職場,家庭,朋友間.個人外表,實力,性方面等等都有機會有),而且有部分會將D一種渴求轉化為行動~當然女士們都會有D種心態,只係女士們一般有好多因素會顧慮到,會好好控制自己唔做得太露骨或者完全唔表現出尼.若果佢知,又被左回應你,而你又繼續糟質自己的話 ~"~ ...失禮咁講一句,小姐..如果你係有D被虐或自虐傾向的話..D一個帖..你可以將佢DELETE了...請不要無視我地既好意,再自虐自己以引起我地對你既注意~ ....如果係屬最後一類的話 ..本豬建議你將不滿,感受搵個人講出尼會好D...應該會有D正面影響既.
人每到一個年紀,心理/精神需要都會改變,你D一刻仲後生,仲有本錢為愛付出你一世,
等到你7老80個陣,可能你需要既再唔係D一個人,係一個愛你而又可以陪你走完人生最後一段路既人.
女人光陰唔多GA,等到你年華老去個陣,後悔已經太遲LA.
每個人都一樣,口口聲聲咁話最愛某某,對最後你會發現其實,我地最愛始終都係自己. 雙向既愛情,係互取溫暖,單向既愛情只係但求自己心理上既某一種正面或是副面既需要.
所以呢,女人都仲係要識得對自己好,對自己好係永遠唔會賠本既投資,D個世界除左對自己既細路同家人之外,無一種愛係值得不求回報既付出GA~
道理人人知,又或是是次愛情劇主角唔係你而係你朋友的話,你都會識得勸佢點做,不過好多事就係當局者迷,你好想抽身,但係又控制唔到自己既心思.
試下咁啦,定一個期限比自己,D一個合理既"付出界限"比自己(即是自己既"賠本"可以係感情,可以係錢,可以係你既自尊心既極限), (D兩條線係保護你自己以免自己傷到粉身碎骨~),期限一到,又無等到你所希望得到既即要求自己立即抽身,即刻爬出D個感情無底洞~只要你堅信自己可以再重新振作的話,你就一定可以做到.因為愛情損傷,係無復完唔到既傷口,只係本人想唔想癒合D一個傷口咁解.同時若期間有你對佢唔反感既好男人出現個陣,不彷俾一個機會自己LAW~
其實道理好簡單,好似六合彩咁,其實好多人都明知自己唔會中,只不過都仲係對中獎抱住一DD既希望,而只我付出既代價我只需20大元或更大,只要係我賠得起既範圍之內都OK.因為代價細,就算要賠本的話,我都損傷不重. 但係假如一張飛至少2萬蚊,希望又係如此既渺望,係咁我相信會繼續"投資"既人肯定唔多,因為代價太大, "我賠唔起,負擔唔起". 若果你唔去衡量D一種"付出同回報"既關係,無視佢,而繼續大額投資既話,好似個D病態賭徒咁,結果應該都唔使我再多講.感情同錢一樣,投資唔對路,就等於將錢/感情掉落海..又何必呢.. 賭博同投資..只差一線..回報高叫投資,無勝算又想博個機會既叫賭,之不過D一個賭字,分分鐘變"倒" 倒垃圾個 倒.
唯一唔同既地方係,錢..無左咪再賺LAW,但係感情一但付出左,就點都賺唔番.
感情既回報,就係對方既回應,對方會對自己付出幾多.
有次我朋友同我講一句好有道理既笑話 "以為係白馬王子,點知原來係唐三藏",騎白馬既唔係一定係王子GA :P
