中港 出入口 及 品牌代理 的國際貿易法律 問題

新手有以下多個關於國際貿易疑難 :


1. 品牌代理概念, 好似係有分獨家或非獨家代理,
非獨家代理 是否只等於 批發商, 我亦可以引入
同樣貨品互相在香港本地出售 同佢競爭?

2. 如果一個外國品牌, 將唔同產品線分拆俾好多間
香港公司做代理, 最快捷而準確的方法, 點查到
某條產品線屬於邊間公司代理? 如果想查國內
代理, 係去問工商局, 還是有其他更準確途徑?
會否工商局註冊資料有可能未夠全面, 未包括
個別產品或省份? 有沒有 100% 絕對準確可靠
的查核途徑?

3. 聽講品牌要逐個國家註冊, 但品牌旗下是否每一項
產品仍要在各國獨立註冊? 例如假設某日本零食
公司, 在日本新出一款零食, 香港未有註冊亦未有
得賣, 是否我可以直接向日本入水貨在香港出售?
(先假設佢符合左香港食品安全) 還是一定要先
取得在香港的代理權才可合法售賣?

4. 香港地區代理的含義, 是否指只有佢至有權入貨在香港
合法售賣? 是的話, 為何香港可以合法地引入電子
產品水貨出售, 即使已通街行貨??? 如果做左代理,
係人都可以隨意運水貨入香港賣, 做代理還有何意義???

5. 如果某外國品牌, 委託左一間香港公司做佢其中一類
產品既代理 (例如玩具), 我知買現貨要幫佢買,
但如果我想用該品牌名義設計一款新玩具, 仍是要
搵香港代理傾版權, 還是直接同外國總公司傾?
(即係問所謂產品代理係咪包括代理屬同一類別
的所有新開發在該地區出售的貨品? 還是視乎代理
條款, 有些只簽批現有產品的代理權? )

6. 假如引入中國內地品牌貨來香港出售, 因為香港各類
產品都有不同指引, 例如有需要加商品說明標籤,
香港有沒有公司專幫手商品 包裝及說明 業務?
或者再進一步可提供埋代做基本檢測顧問工作,
讓商家可以專心尋求貨源, 而不需担心再自己費神
就香港法律查核及跟進 商品的 品質及包裝 問題?

7. 可否籠統定論, 香港制度比國內嚴謹, 凡現時合法在
香港出售的貨品, 都一定 100% 符合國內條例,
只須付關稅便可引進內地直接出售, 而無須再在
國內做任何檢測及商品再包裝工作??

8. 假如我發掘到一款外國品牌想引進香港出售, 在哪些
網站或哪些途徑可最快找到一批適合的 分銷商 或
零售商 幫手經銷?


問題非常多, 送 20 點聊表心意, 請盡量提供詳細及
準確資料, Thank you......