✔ 最佳答案
1. a. 靠人事 - 如果有個富爸爸或者做官嘅老豆, 搵d uncle做師父 no problem! 好似阿blueblood王咁, 佢93年call果陣老豆己經係cfi大法官, 你估佢搵師父難唔難呢?!! 你又睇吓阿死鬼周邦邦個仔... 又或者機緣巧合, 老細係大法官 - 例如高院某靚女 judicial clerk, 搵到阿彭老爺幫佢寫 reference - 咪可以以普通pc成績而拜個sc囉!b. 好似搵工咁, send 百零封信俾各 chambers - 好多 chambers係有專人 (其中一個 bar) handle pupilage 嘅.c. send 信俾各大狀 - 漁翁撒網d. 如果係在PC考top 10嘅高材生, 會有大solit firm及大chambers嘅headhunter 主動搵你.e. 會. 大把人搵唔到師父, 結果入唔到行, 走去做le或入大公司legal 做卒仔.2. 未必. 要睇個 chambers有無位.3. 當然有. 有便便係好平常嘅事… sorry, 應該係轉chambers係好平常嘅事, 哈哈! 基本上, 大狀係喺劏房工作嘅自僱人仕…哈哈! 初出道嘅大狀喺transunion嘅credit rating同的士司機、地盤工友差不多咋! 大家只係租個位同share d resources, 無話乜嘢 corporate loyalty. 但當然, 你入到temple、plowman、dvc、hoo、lok、liberty 呢d chambers嘅話, 就俾你都唔走啦…4. 咁你就好似 law霸咁, 去深水埗租間唐樓開檔 lor…哈哈! 老實講, 好少人call咗後會無收入到交唔起租嘅. 去court仔做 duty lawyer都有五千蚊一日啦. 假設你可以一個月做到7日 (要輪…), 都有三萬五. 去跑吓差館更 (即係差館保釋)又有幾千一晚 (通常d青頭大狀接得最多係果d半夜三更case), 跑幾晚又有幾萬蚊, 點會交唔起租呢??! 但係而家都幾多後生大狀夾份開 chambers, 因為著名 chambers太難入…5. 初初做大狀, 其中一樣必要嘅, 就係密密落bar同d solit / le 蘇掃. 你有無生意就係靠d solit / le介紹. 出面大把大狀, 點解要搵你? 就係睇你人際關係囉! 到你做得幾年, 有幾個拍開嘅solit / le, 生意就穩定好多. 所以你問 “有冇bar真係冇運到冇生意… 最終要摺埋”? 有! 大把啦! 好多大狀不擅交際, 溝唔到d solit / le, 淨做 legal aid / dutylawyer又唔夠皮嚟養妻活兒, 咪轉做solit 囉! 做吓離婚、破產、証婚呢d “生產線” 工作 (即係千篇一律密密執) 都叫做搵到食吖. 亦有大狀好似阿rod murray咁, 自已唔自愛, 結果搞到無人敢搵佢...6. 嘩! 好難答你噃. 喺PP、lippo、printing house…嘅中環 / 金鐘 chambers 就一定房大租貴啦! 灣仔、永樂街果d咪平d lor. 而且房間大小係按seniority排嘅, 唔係話你俾得起錢, 就可以有間大房. 無理由你初出道入temple, 間房可以大過 ronny tong果間嘛 (雖然我估佢而家好少用間房…)! 當然, 你自己開chamber, 就幾大都有啦!7. receptionist係阿公嘅. 秘書就通常兩、三個大狀 share一位. sc就通常有自已秘書.
2011-11-25 10:15:18 補充：
哈哈! 你話呢?!?
